Mga Saligan ng

Pananampalataya

HARVESTIME INTERNATIONAL INSTITUTE

Ang kursong ito ay bahagi ng Harvestime International Institute, isang programang inihanda upang mabigyang kakayahan ang mga mananampalataya tungo sa mabisang pagaaning espirituwal.

Ang batayang paksa ng pagsasanay na ito ay ituro ang mga itinuro ni Jesus, kung paanong ang mga mangingisda, kolektor ng buwis at iba pa, ay binago Niya at naging mga mabubungang Cristiano at ang mga ito ay naghatid ng ebanghelyo sa kanilang daigdig na may kapahayagan ng kapangyarihan.

Ang manwal na ito ay isang kurso na kabilang sa ilang mga modules ng kurikulum na gumagabay sa mga mananampalataya mula sa pagmamasid, tungo sa pagsasagawa, pagpaparami, at pagsasangkot upang maabot ang ebanghelisasyon.

Para sa dagdag na impormasyon tungkol sa mga dagdag ng mga kurso, sumulat sa:

Harvestime International Institute

3092 Sultana Dr.

Madera, California 93637

U.S.A.

NILALAMAN

Paano Gamitin ang Manwal na ito . . . . . . . I

Mungkahi Para sa Sama-samang Pag-aaral . . . . . . II

Pambungad 1

. . . . . . . . . .

Mga Layunin ng Kurso . . . . . . . . 3

1. Pundasyon . . . . . . . . . 4

2. Pagsisisi sa Mga Patay na Mga Gawa- Unang Bahagi . . . . 15.

3. Pagsisisi sa Mga Patay na Mga Gawa – Ikalawang Bahagi . . . 23. .

4. Pananampalataya sa Dios . . . . . . . . 38

5.Doktrina ng Bautismo- Unang Bahagi . . . . . . 55

6. Doktrina ng Bautismo- Ikalawang Bahagi . . . . . . 68

7. Pagpapatong ng Mga Kamay . . . . . . . 86

8. Muling Pagkabuhay ng Mga Patay -Unang Bahagi . . . . 96

9. Muling Pagkabuhay ng Mga Patay- Ikalawang Bahagi . . . . 107

10. Walang Hanggang Paghuhukom . . . . . . . 125

11. Kasakdalan . . . . . . . . . 148

Apendise . . . . . . . . . . 166

Mga Sagot sa Pansariling Pagsusulit . . . . . . . 169

PAANO GAMITIN ANG MANWAL NA ITO

PORMAT NG MANWAL

Mga Layunin: Ito ang mga layuning na dapat maabot sa pagaaral ng kabanata. Basahin muna ang mga ito bago simulan ang aralin.

Susing Talata: Ang talatang ito ang nagbibigay diin sa kaisipan ng kabanata. Isaulo ito.

Nilalaman ng Kabanata: Pagaralan ang bawat seksyon. Gamitin ang iyong Biblia sa pagtingin sa mga reperensya na hindi nalimbag sa manwal.

Pangsariling-Pagsusulit: Isagawa ang pagsusulit na ito pagkatapos pagaralan ang kabanata. Sikaping sagutin ang mga tanong na hindi ginagamit ang Biblia o ang manwal na ito. Pag natapos na ang Pangsariling-Pagsusulit, ihambing ang iyong mga sagot sa Seksyon ng mga Sagot sa dulo ng aklat.

Para sa Dagdag na Pag-aaral: Ang seksyon na ito ay tutulong sa iyo na ituloy ang iyong pagaaral ng Salita ng Diyos, palaguin ang iyong kakayahang magaral, at iangkop ang iyong natutuhan sa buhay at ministeryo.

Pangwakas na Pagsusulit: Kung ang pag-enrol mo sa kursong ito ay upang makaipon ng credits, kailangang kumuha ka ng Pangwakas na Pagsusulit para sa kursong ito. Sa pagtatapos ng kursong ito, kumpletohin mo ang pagsususlit at ibalik ito ayon sa tagubilin upang mabigyan ng grado

DAGDAG NA KAILANGANG GAMIT

Kakailanganin mo ang salin sa Tagalog- Ang Biblia

MGA MUNGKAHI PARA SA SAMA-SAMANG PAGAARAL

UNANG PAGTITIPON

Pasimula: Magsimula sa panalangin at pagpapakilala. Magkilanlan at ilista ang mga magaaral

Ilatag ang mga Pamararaan sa Grupo: Tiyakin kung sino ang mangunguna sa mga pagtitipon, ang oras, ang lugar, at petsa para sa mga sesyon.

Praise and Worship: Anyayahan ang presensya ng Espiritu Santo sa inyong mga sesyon ng pagasasanay.

Ipamahagi ang mga Manwal sa mga Magaaral: Ipabatid ang paksa ng manwal, pormat, at mga layunin ng kurso na nakatala sa mga paunang pahina ng manwal na ito.

Ibigay ang Unang Takdang-Aralin: Babasahin ng mga magaaral ang mga itinakdang kabanata at gawin ang Pangsariling-Pagsusulit bago maganap ang unang pagtitipon. Ang bilang ng kabanata na masasakop kada pagtitipon ay naka depende sa haba, nilalaman ng mga kabanata at kakayahan ng grupo.

PANGALAWA AT MGA SUMUSUNOD

NA MGA PAGTITIPON

Pasimula: Manalagin. Tanggapin at irehistro ang sinumang bagong magaaral at bigyan sila ng manwal. Ilista ang mga present. Magdaos ng Praise and Worship.

Pagbabalik-Aral: Magbigay ng maikling kabuuan ng mga pinagaralan sa nakaraang pagtitipon.

Aralin: Talakayin ang bawat seksyon ng kabanata na ginagamit ang mga PAMAGAT NA NAKATITIK NG MALAKING MGA LETRA bilang balangkas ng pagtuturo. Hayaang magtanong o mag-komentaryo ang mga magaaral sa kanilang mga napagaralan na. Iangkop ang mga aralin sa buhay at mga ministeryo ng iyong mga magaaral.

Pangsariling-Pagsusulit: Balikan ang Pangsariling-Pagsusulit na natapos na ng mga magaaral. (Bigyang-pansin: Kung hindi mo nais na tingnan ng mga magaaral ang mga sagot sa Pangsariling-Pagsusulit, maaari mong alisin ang mga pahina ng mga sagot sa dulo ng manwal.)

Para sa Dagdag na Pagaaral: Maaari mong gawin nang sama-sama o isahan ang mga proyekto .

Pangwakas na Pagsusulit: Kung ang iyong grupo ay nag-patala para magkaroon ng credit, kailangan ang Pangwakas na Pagsusulit. Magpa-kopya para sa bawat magaaral at pangasiwaan ang pagsusulit sa pagtatapos ng kurso.

MODULE: PAGHIRANG

KURSO: Mga Saligan ng Pananampalataya

PAMBUNGAD

Ang pangunahing doktrina ng Kristiyanong Pananampalataya ang paksa ng kursong ito. Ang Doktrina ay mga koleksiyon ng mga aral o turo sa isang paksa. Ang pangunahing doktrina ng Kristiyanong Pananampalataya ay mga turo ng Panginoong Jesu- Cristo na nasulat sa Biblia.

Ang mga doktrinang ito ay nasulat sa Biblia sa aklat ng Hebreo.

Kaya’t tayo’y tumigil na ng pagsasalita ng mga unang simulain ng aral ni Cristo, at tayo’y mangagpatuloy sa kasakdalan; na huwag nating ilagay na muli ang kinasasaligan ng pagsisisi sa mga patay na gawa, at ng pananampalataya sa Diyos,

Ng aral na tungkol sa mga paglilinis at pagpapatong ng mga kamay, at ng pagkabuhay na maguli ng mga patay, at ng paghuhukom na walang hanggan.

At ating gagawin ito, kung ipahihintulot ng Diyos. (Hebreo 6:1-3)

Dalawang layuning Espirituwal ang itinakda sa talatang ito.

Ang unang layunin ay ang pagpapalago ng buhay Kristiyano sa tamang saligan. Ang saligan na ito ay ang doktrina ni Jesus Christ.

Ang pangalawang layunin ay maihatid sa kaganapan. Ang ibig sabihin ng kaganapan ay paglagong espirituwal.

May dalawang kadahilanan kung bakit bigo sa pamumuhay ng matagumpay na buhay Kristiyano.

Ang unang dahilan ay, ang iba ay nagsisikap na mamuhay katulad ng isang Kristiyano subalit hindi pa sila Born Again. Hindi nila nauunawan ang saligan ng doktrina ni Jesu- Cristo. Dahil sa kakulangan ng pagkaunawa, sila ay bigo upang makatugon sa Diyos nang tama.

Ang pangalawang dahilan sa kanilang pagkabigo ay wala silang paglagong espirituwal.

Ang unang layunin o hangarin ng kursong ito ay ilahad ang saligan ng Kristiyanong pananampalataya na kinakailangan para sa tamang pundasyong espirituwal.

Ang anim na saligan ng pananampalataya ayon sa Hebreo 6:1-3 ang tatalakayin sa kursong ito

- Pagsisisi sa mga patay na gawa

- Pananampalataya sa Diyos

- Ang Doktrina ng Bautismo

- Pagpapatong ng mga Kamay

- Muling pagkabuhay ng mga patay

- Walanghanggang Paghuhukom

Matapos maitatag ang mga pundasyong ito, ang pangalawang layunin o hangarin ay maakay ka sa kaganapan…

“… At ating gagawin ito, kung ipahihintulot ng Diyos ...”

MGA LAYUNIN NG KURSO

Pagkatapos pag-aralan ang kursong ito ikaw ay may kakayahang:

· Ipaliwanag ang anim na Saligan ng Pananampalataya na nakatala sa Hebreo 6:1-3

· Magtatag ng tamang pundasyong espirituwal para sa iyong sarili.

· Magpatuloy sa kaganapan.

Unang Kabanata

MGA SALIGAN

MGA LAYUNIN:

Pagkatapos pag-aralan ang kabanatang ito ikaw ay may kakayahang:

· Isulat ang Susing Talata mula sa memorya.

· Makita ang pagkakaiba ng tama at maling pundasyong espirituwal.

· Maipaliwanag ang kahalagahan ng pagtatatag sa tamang saligan ng pananampalataya.

· Kilalanin na si Jesu- Cristo ang tunay na saligan ng pananampalataya.

· Magtala ng tatlong hakbang tungo sa wastong saligan ng pananampalataya.

MGA SUSING TALATA:

Ng aral na tungkol sa mga paglilinis at pagpapatong ng mga kamay, at ng pagkabuhay na maguli ng mga patay, at ng paghuhukom na walang hanggan.

At ating gagawin ito, kung ipahihintulot ng Diyos.(Hebreo 6:1-3)

PAMBUNGAD

Inihalintulad ng Biblia ang buhay ng isang mananampalataya sa pagtatayo ng isang gusali:

… Kayo ang gusali ng Diyos… (I Corinto 3:9)

Ang bawat mananampalataya ay magkaisa kay Cristo kasama ang ibang Kristiyano upang mabuo ang Iglesya. Inihalintulad rin ng Biblia ang Iglesya sa isang gusali:

Na sa kaniya’y itinayo naman kayo upang maging tahanan ng Dios sa Espiritu.

( Efeso 2:22)

Sa tuwing ang tao ay magtatayo ng isang gusali dapat muna silang maglatag ng tamang pundasyon. Dahil ito ay natural na prinsipyo na nauunawaan ng lahat ng tao. Ginagamit ito ng Dios upang magturo ng dakilang katotohanang espirituwal.

Ang mananampalataya ay dapat magkaroon ng tamang pundasyon para magkaroon ng mabuting espirituwal na tahanan. Ang pundasyon ay dapat mailatag ayon sa nais o plano ng nagtatayo. Ang Biblia ang nagbibigay ng plano ng Maestro, Jesus Christ.

Ang kabanatang ito ang magpapaliwanag ng kahalagahan ng pagkakaroon ng tamang pundasyong espirituwal. Ilalahad dito ang pinagbabatayan ng prinsipyo ng Biblia na itinuturo tungkol sa pundasyon.

ANG LAYUNIN NG PAGTATAYO

Ang layunin ng iyong espirituwal na “pagtatayo” ay upang magkaroon ng lugar (tahanan) ang Diyos. Ang Espiritu ay mananahan lang sa iyo kung ang iyong buhay ay natatag sa tamang pundasyon. Si Pablo ay nagtanong:

Hindi baga ninyo nalalaman na kayo’y templo ng Diyos at ang Espiritu ng Dios ay nananahan sa inyo? (I Corinto 3:16)

Dahil dito pinaaala-lahanan ka na magtayo ng tamang pamumuhay espirituwal:

Ngunit ingatan ng bawat tao kung paano ang pagtatayo niya sa ibabaw na ito (I Corinto 3:10)

ANG SALIGAN

Ang saligang espirituwal kung saan ang Salita ng Diyos ang nagsasabi:

AY BATAY SA SALITA NG DIOS:

Gayon ma’y ang matibay na pinagsasaligan ng Diyos ay nananatili na may tatak nito, (II Timoteo 2:19)

AY MABUTING SALIGAN:

Na mangagtipon sa kanilang sarili ng isang mabuting kinasasaligan para sa panahong darating, (I Timoteo 6:19)

AY BATAY SA KATUWIRAN:

Ngunit ang matuwid ay walang hanggang patibayan. (Kawikaan 10:25)

AY PANGWALANGHANGGAN:

Na mangagtipon sa kanilang sarili ng isang mabuting kinasasaligan para sa panahong darating, (I Timoteo 6:19)

AY NABABATAY SA DALAWANG PANGUNAHING PRINSIPYO:

Gayon ma’y ang matibay na pinagsasaligan ng Diyos ay nananatili na may tatak nito, (II Timoteo 2:19)

Ang dalawang prinsipyo kung saan ang saligan ay naitatag ay:

1. Ang naligtas na tao --------à . Alam ng Diyos kung sino ang sa Kanya.

2. Ang manunubos ay buhay --------à Ang bawat tumawag sa pangalan ng Panginoon ay dapat lumayo sa kasamaan.

Ay Natatag sa Batong hindi Matitinag:

Siya’y tulad sa isang taong nagtatayo ng bahay na humukay at pinakalalim, at inilagay ang patibayan sa bato: at nang dumating ang isang baha, ay hinampas ng agos ang bahay na yaon, at hindi nakilos; sapagka’t natitirik na mabuti. (Lucas 6:48)

Si Jesus ang Batong Yaon:

May Diyos baga liban sa akin? (Isaias 44:8)

Si Jesu- Cristo lang ang saligan para sa buhay espiritual.

Sapagkat sinoman ay hindi makapaglalagay ng ibang pinagsasaligan, kundi ang nakalagay na, na ito’y si Cristo Jesus. ( I Corinto 3:11)

JESUS: ANG SALIGAN/PUNDASYON

Ang Diyos ang pumili Kay Jesu-Cristo bilang saligan ng buhay espirituwal:

“...Narito aking inilalagay sa Sion na pinakapatibayan ang isang bato, isang batong subok, isang mahalagang batong panulok na may matibay na patibayan… (Isaias 28:16)

Ang saligan ng buhay espirituwal ay hindi likha ng taong sumasampalataya, denominasyon, o seremonya ng isang relihiyon. Ang saligan ay Si Jesu –Cristo.

Marami sa nagkukunwaring mananampalataya ang sumusubok na magtayo ng dakilang espirituwal na istraktura ng Cristianismo sa kanilang buhay. Sila ay sumasali sa programa ng Iglesya at gumagawa ng mabuti. Ang panglabas na pagtatayo ng espirituwal na gusali ay maganda. Subalit bago magtagal ang kanilang espirituwal na gusali ay nagsisimulang lumubog at bumagsak. Sila ay pinanghihinaan ng loob, talunan, at nahuhulog sa kasalanan. Ito ay dahil sa pagsubok na magtayo sa maling pundasyon.

Kung paano kinakailangan ang tamang pagsuporta sa pagtatayo ng isang gusali, ang tamang pundasyong espirituwal ay kinakailangan upang suportahan ang pagtatayo mo ng iyong espirituwal na buhay:

Sapagkat sinoman ay hindi makapaglalagay ng ibang pinagsasaligan, kundi ang nalalagay na, na ito’y si Cristo Jesus.

Datapuwa’t kung ang sinoma’y magtatayo sa ibabaw ng pinagsasaligang ito ng ginto, pilak, mga mahahalagang bato, kahoy, tuyong dayami;

Ang gawa ng bawat isa ay mahahayag: sapagkat ang araw ang magsasaysay, sapagkat sa pamamagitan ng apoy inihahayag; at apoy rin ang susubok sa gawa ng bawa’t isa kung ano yaon . (I Corinto 3:11-13)

Ang lahat na tinatawag na gawa ng “Kristiyano” ay susubukin ng Diyos. Ang istraktura ng iyong buhay espirituwal ay susuriin upang malaman kung ito ay itinatag sa tamang pundasyon. Ang nag-iisang pundayson sa buhay espirituwal na siyang mananatili ay iyon lamang itinayo Kay Jesu- Cristo.

ANG KAHALAGAHAN NG MGA PUNDASYON

Ang pundasyon ay napakahalaga. Napagtanto ito ng may akda ng Mga Awit nang itinanong niya:

Kung ang mga patibayan ay masira, Anong magagawa ng matuwid? (Awit 11:3)

Sa natural, kung ang pundasyon ng gusali ay mali ang pagkalatag ang buong gusali ay maaaring bumagsak. Ganito rin sa espirituwal. Ang maling pundasyon ay magbubunga ng kapahamakan.

Ang natala sa aklat ng Haggai ay nagbibigay ng diin sa kahalagahan ng tamang espirituwal na mga pundasyon. Ang Israel ay nakakaranas ng mahinang ani sa natural. Sinabi ni Hagai na suriin ang kanilang mga pamamaraan.

Kayo’y nangaghasik ng marami, at nagsisiani ng kaunti… Gunitain ninyo ang inyong mga lakad. (Hagai 1:6,7,9)

Upang iwasto ang problema , Sinabi ni Hagai sa mga Israelita na dapat muling magtayo sa natural at espirituwal na mundo.

Kinakailangan na muling magtayo sa natural na mundo ang mga Israelita dahil kanilang ipinagpaliban ang pagtatayo ng tahanan ng Panginoon. Sila ay nagtayo ng kanilang mga tahanan at inuna nila ang kanilang naisin kaysa sa utos ng Diyos na itayong muli ang templo. Subalit higit sa lahat, ang pundasyong espirituwal ng kanilang buhay ay mali. Sila ay naghahandog

( mabubuting gawa) mula sa kamay na hindi banal.

…Gayon nga ang bayang ito, at gayon ang bansang ito sa harap ko, sabi ng Panginoon ; at gayon ang bawat gawa ng kanilang mga kamay; at ang kanilang inihahandog doon ay marumi. (Hagai 2:14)

Ang tamang gawa na inihandog ng kamay na hindi banal ay hindi katanggaptanggap. Ang pundasyong espirituwal ng kanilang buhay ay mali kaya sila ay hindi pinagpala ng Diyos.

Sa natural na mundo sinabi ni Hagai sa anak ng Diyos na ang pundasyon ng templo ng Panginoon ay dapat muling ilatag. Sinabi niya na dapat nilang itatag ang espirituwal nilang buhay sa tamang pundasyon. Sa araw na ang Israel ay muling nagtatag sa tamang pundasyon, magsisimula na sila ay pagpalain ng Diyos:

Isinasamo ko nga sa inyo, na kayo’y magdilidili mula sa araw na ito at sa nakaraan mula nang ikadalawang pu’t apat na araw ng ikasiyam na buwan, mula na ang araw na ang tatagang- baon ng templo ng Panginoon ay ilagay, gunitain ninyo.

May binhi pa baga sa kamalig? Oo, ang puno ng ubas, at ang puno ng igos, at ang granada, at ang puno ng olibo ay hindi nagbunga; mula sa araw na ito ay pagpapalain ko kayo. ( Hagai 2: 18-19 )

Sa simula na ikaw ay magtatag sa tamang mga pundasyong espirituwal, pagpapalain ka ng Diyos sa lahat ng aspeto ng iyong buhay.

ANG DOKTRINA NI JESUS

Binigyan diin ni Jesus ang pangangailangan ng pagtatayo sa tamang pundasyong espirituwal. Kanyang inilarawan ito sa talinhaga ng dalawang tao na nagtayo ng bahay. Natala sa Biblia ang dalawang talinhagang ito. Ang isa ay sa Mateo 7:24-29 at ang isa naman ay sa Lucas 6: 47-49. Ang mga sipi nito ay isinulat upang maipaghambing .

Lucas Mateo

Ang bawa’t lumapit sa akin, at pinakikinggan Kaya’t ang bawat dumirinig ng aking mga

ang aking mga salita, at ginagawa, itinuturo salitang ito at ginaganap, ay matutulad sa

Ko sa inyo kung sino ang katulad: isang taong matalino,na itinayo ang kaniyang

bahay sa ibabaw ng bato:

Siya’y tulad sa isang taong nagtatayo ng bahay

humukay at pinakalalim, at inilagay ang pati- At lumagpak ang ulan at bumaha,at humihip

bayan sa bato; at nang dumating ang isang baha, ang mga hangin, at hinampas ang bahay na

ay hinampas ng agos ang bahay na yaon, at yaon; at hindi nabagsak; sapagkat natatayo

hindi nakilos; sapagkat natirik na mabuti. sa ibabaw ng bato.

Datapwa’t ang dumirinig, at hindi ginagawa, At ang bawat dumirinig ng aking mga salitang

ay tulad sa isang tao na nagtayo ng bahay sa ito at hindi ginaganap,ay matutulad sa isang

lupa na walang patibayan; laban sa yaon ay taong mangmang, na itinayo ang kaniyang

hinampas ng agos, at pagdaka’y nagiba; at bahay sa buhanginan:

malaki ang naging kasiraan ng bahay na yaon.

(Lucas 6:47-49) At lumagpak ang ulan, at bumaha, at humihip

Ang mga hangin,at hinampas ang bahay na

yaon; at nabagsak; at kakilakilabot ang kani-

yang pagkabagsak.

At nangyari, na nang matapos na ni Jesus ang

mga salitang ito, ay nangatilihan ang mga karamihan sa kaniyang aral.

Sapagka’t sila’y kaniyang tinuruan tulad sa may kapamahalaan, at hindi gaya ng kanilang mga eskriba. ( Mateo 7:24-29)

Ang mga ito ay ilan sa mga mahalagang prinsipyo:

DOKTRINA;

Ang unang prinsipyo sa pagtatayo ng tamang pundasyong espirituwal ay bahagi ng doktrina (katuruan) ni Jesus. Natala sa talatang ito na ang mga tao ay “ namangha sa Kanyang doktrina”. Bahagi ng doktrina ay ang istorya na Kanyang isinalaysay tungkol sa pagtatayo ng tamang pundasyon.

Binanggit ni Pablo na ang pagtatayo ng tamang pundasyon ay bahagi ng doktrina ni Jesus:

Kaya’t tayo’y tumigil na ng pagsasalita ng mga unang simulain ng aral ni Cristo… na huwag nating ilagay na muli ang kinasasaligan… (Hebreo 6:1)

Ipinagpatuloy ni Pablo ang nilalaman ng doktina ni Jesus.

ANG TAMANG PUNDASYON:

Ang mga hakbang ng pagtatayo ng tamang pundasyong espirituwal ay nasusulat sa Lucas 6: 47:

1. Ang bawat lumalapit sa akin…

2. Pinakikinggan ang aking mga salita…

3. Ginagawa…

Lahat ng tatlong hakbang na ito ay kailangan. Hindi sapat ang lumapit kay Jesus. Kailangan mong pakinggan ang kanyang sinasabi. Subalit ang paglapit at pakikinig ay hindi sapat. Kailangan mong may gawin. Ang isang tao ay maaring lumapit, makinig sa anumang sasabihin ni Jesus , subalit hindi tumugon:

At bakit tinatawag ninyo ako, Panginoon, Panginoon, at di ninyo ginagawa ang mga bagay na aking sinasabi? (Lucas 6:46)

Maaari mong malaman ang Salita at hindi ka tumugon dito. Si Jesus ay hindi tunay na Panginoon ng iyong buhay hanggat hindi ka tumutugon sa Kanyang mga katuruan. Ang tamang pundasyon ay batay sa Salita ng Diyos. Ang taong lumapit kay Jesus, pinakinggan ang Kanyang Salita, at tumugon ay matatawag na matalino. Tiniyak ng taong ito na matatag ang kanyang pundasyong espirituwal. Siya ay “humukay ng malalim” inalis ang lahat ng nakakasagabal sa pagitan niya at ng Bato, na si Jesu-Cristo

Ang Salita ng Diyos ang plano kung saan natin makikita ang pagtatayo ng pundasyong espirituwal ng buhay. Ang Biblia ay dapat tanggapin na lubos na awtoridad at ang plano para sa iyong pundasyong espirituwal dahil…

… hindi sa kalooban ng tao dumating ang hula kailanman: kundi ang mga tao ay nagsalita buhat sa Dios, na nangaudyokan ng Espiritu Santo.

(II Pedro 1:21)

Ang layunin ng kapahayagan ng Dios ay ibinigay sa II Timoteo 3:16

Ang lahat ng mga kasulatan na kinasihan ng Dios ay mapapakinabangan din naman sa pagtuturo, sa pagsansala, sa pagsaway, sa ikatututo na nasa katuwiran. (II Timoteo 3:16)

ANG MALING PUNDASYON:

Ang taong nagtayo sa maling pundasyon ay nakarinig ng Salita ng Dios subalit hindi tumugon

sa kanyang narinig. Siya ay tinawag na luku-luko at inihalintulad sa taong nagtayo ng walang pundasyon (Lucas 6:49). Ang kanyang bahay ay itinayo sa buhanginan sa halip na sa bato. (Mateo 7:27)

Ikaw ay nagtatayo sa buhanginang espirituwal kung nakasalig ang iyong buhay sa mga tradisyon o paniniwala ng relihiyon ng tao. Iniisip mo na espirituwal ka sa paggawa ng mabubuting gawa, pagdalo sa iglesya,o ibang seremonya ng relihiyon.

MGA BAGYO NG BUHAY:

Ang istorya ni Jesus tungkol sa dalawang nagtayo ng bahay ay nagpapakita ng dakilang katotohanan . Natural sa buhay ang bagyo. Ang mga pangyayari sa buhay ay resulta ng maraming personal na krisis. Kailangan mong harapin ang kamatayan, karamdaman, at sakuna. Kahit mananampalataya ay makakaharap ng suliranin. Pinaalalahanan tayo sa Gawa 14:22 “at sa pamamagitan ng maraming kapighatian ay kinakailangang magsipasok tayo sa kaharian ng Diyos.”

Sinabi ni Jesus :

…Sa sanglibutan ay mayroon kayong kapighatian: nguni’t laksan ninyo ang loob; aking dinaig ang sanglibutan. ( Juan 16:33)

Walang sinumang makaliligtas sa bagyo ng buhay. Ang mahirap na sitwasyon ng buhay ay nararanasan ng lahat ng tao sa lahat ng dako. Ang mga bagyo ng buhay ay pare-pareho, subalit iba’t iba ang pagtugon ng mga tao. Kung ang iyong buhay espirituwal ay walang tamang pundasyon babagsak ka. Katulad ng bahay na natayo sa buhanginan, ang pinsala ay grabe. Kung ang iyong buhay ay naitayo sa tamang pundasyon ni Jesu-Cristo at ng Kanyang Salita (doktrina), ang bagyo ng buhay ay hindi makakatinag sa iyo.

... Minsan pang yayanigin ko , hindi lamang ang lupa , kundi pati ng langit .

At itong salita, Minsan pang pinakakahulugan ang pagaalis niyaong mga bagay na ginawa, upang mamalagi ang mga hindi nayanig.

(Hebreo 12:26-27)

Sa pagdating ng mga pagsubok, ang mga hindi nayanig ay mananatili. Ang mga nanatiling nakatayo ay natatag sa tamang pundasyong espirituwal.

PUNDASYON: KINAKAILANGAN

Ang tamang pundasyon ay kinakailangan para sa pagtatayo ng maayos na gusali sa natural na mundo. Ang kahulugan ng salitang “kinakailangan” ay “kailangan bago”. Ang tamang pundayson ay kailangan bago magtayo ng “higanteng gusali”. Ang “higanteng gusali” ay yaong naitayo sa tamang pundasyon.

Ang tamang pundasyong espirituwal ay kinakailangan sa paglagong espirituwal. Ayon sa Hebreo 6:1-3 hindi tayo mangagpapatuloy sa kasakdalan hanggat ang pundasyong espirituwal ay hindi nailalatag. Ang paglagong espirituwal ang higanteng gusali na nakaasa sa pundasyong espirituwal. Kung ang pundasyon ay mali, natural ang higanteng gusali ay hindi mananatiling nakatayo at hindi mo maaabot ang espirituwal na paglago.

Ang mga sumusunod na aralin ay magpapaliwanag ng mga bagay na dapat maging bahagi ng iyong pundasyong espirituwal. Subalit ayon sa talinhaga ng dalawang nagtayo ng bahay, ito ay nagpapakita na hindi sapat na malaman ang dalawang doktrinang ito. Dapat kang tumugon sa Salita ng Dios at isama ang mga katotohanang ito sa iyong pundasyong espirituwal.

Kung hindi ka tutugon sa Salita ng Dios, ilkaw ay tulad sa isang tao na inilarawan ni Apostol Santiago:

Datapuwa’t maging tagatupad kayo ng salita , at huwag tagapakinig lamang, na inyong dinadaya ang inyong sarili.

Sapagka’t kung ang sinoman ay tagapakinig ng salita at hindi tagatupad, ay katulad siya ng isang tao na tinitingnan ang kaniyang talagang mukha sa salamin:

Sapagkat minamasdan niya ang kaniyang sarili, at siya’y umaalis at pagdaka’y kaniyang nalilimutan kung ano siya.

Ngunit ang nagsisiyasat ng sakdal na kautusan, ang kautusan ng kalayaan, at nananatiling gayon, na hindi tagapakinig na lumilimot, kundi tagatupad na gumagawa ay pagpapalain ang taong ito sa kaniyang ginagawa.

(Santiago 1:22-25)

Tandaan sa simula nang ikaw ay magpasya na magtayo ng iyong buhay espirituwal sa tamang pundasyon , ikaw ay pagpapalain ng Dios.

Ito ang mga prinsipyo na iyong pag-aaralan sa mga sumusunod na mga aralin:

- Pagsisisi sa mga patay na gawa

- Pananampalataya sa Diyos

- Ang Doktrina ng Bautismo

- Pagpapatong ng mga Kamay

- Muling pagkabuhay ng mga patay

- Walanghanggang Paghuhukom

PANSARILING –PAGSUSULIT

1. Isulat ang susing talata mula sa memorya.

______________________________________________________________________________________________________________________________________________________________________________

2. Ano ang anim na saligan ng pananampalatya na nakasulat na sa Hebreo 6:1-3

_________________________________ ________________________________

3. Paano ka nakapag-papatuloy sa espiriuwal na paglago?

________________________________________________________________________________________________________________________________________

4. Ano ang tatlong mga hakbang para sa pagtatayo ng tamang pundasyong espirituwal na ibiniigay sa Lucas 6:47?

5. Sino ang espirituwal na pundasyon na ibinigay ng Dios ?

____________________________________________________________________

(Ang sagot sa pagsusulit ay nakatala sa pagtatapos ng huling kabanata ng manwal na ito)

PARA SA DAGDAG NA PAG-AARAL

Ang Biblia ay naglalaman ng mga katuruan (doktrina) ni Jesu- Cristo at mga salita ng nag-iisang tunay at buhay na Dios. Nagpapaliwanag ito kung paano magtayo ng iyong buhay espirituwal sa tamang pundasyon.

ANG BIBLIA AY SALITA NG DIOS:

II Timoteo 3:11-17

II Pedro 1: 19-21

Hebreo 1:1

I Corinto 2:13

I Tesalonica 2:13

Juan 5:39

ANG BIBLIA AY WALANGHANGGAN:

Mateo 24:35

Isaias 40:8

ANG BIBLIA AY ISANG PAMANTAYAN NA MAPAGSASALIGAN NG BUHAY ESPIRITUWAL:

Awit 119:89

IKALAWANG KABANATA

PAGSISI SA PATAY NA MGA GAWA: I BAHAGI

MGA LAYUNIN:

Pagkatapos pag-aralan ang kabanatang ito ikaw ay may kakayahang:

· Isulat ang Susing Talata mula sa memorya.

· Bigyang kahulugan ang “ pagsisisi sa patay na mga gawa.”

· Ipaliwanag ang pinagmulan ng kasalanan.

· Kilalanin ang iba’t ibang tawag sa kasalanan na ginamit sa Biblia.

SUSING TALATA:

Sapagka’t ang lahat ay nangagkasala nga, at hindi nangakaabot sa kaluwalhatian ng Dios; (Roma 3:23)

PAMBUNGAD

Nakatala sa Hebreo 6:1-3 ang mga prinsipyo ng doktrina ni Jesu–Cristo kung saan ang mananampalataya ay dapat magtayo ng kanyang buhay espirituwal. Ang mga prinsipyong ito ay tinatawag na “ saligan” ng pananampalataya . Ito ang mga pangunahing doktrina kung saan naka batay ang pananampalatayang Kristiyano . Ang una sa mga prinsipyong ito ay “ pagsisisi sa patay na mga gawa”

PAGSISISI

Ang simpleng kahulugan ng salitang “pagsisisi” ay pagbabago ng isip na nagdudulot ng panglabas na pagbabago ng mga ginagawa.

Inuugnay ng ibang tao ang pagsisisi sa emosyon, katulad ng pagdaloy ng luha at makadama ng lungkot sa maling nagawa o naisip. Ang pagsisisi ay hindi emosyon. Ito ay desisyon. Kung minsan ang emosyon ay may kasamang tunay na pagsisisi. Subalit posible sa tao na makadama ng matinding emosyon at lumuha subalit hindi tunay na nagsisi.

Ang ibang tao naman ay iniuugnay ang pagsisisi sa paggawa ng mga tradisyon ng iglesya. Tinatawag ito na “paggawa ng penitensya”. Posible na magawa natin ang maraming tradisyon sa iglesya subalit hindi ito ang tunay na kahulugan ng maka -Bibliang pagsisisi.

Ang tunay na pagsisi ay pagbabago ng isip na nagdudulot ng pagbabago ng panglabas na ginagawa. Ang panglabas na pagbabago ay gawa ng pagtalikod mula sa kasalanan tungo sa Dios at katuwiran. Ang “pagtalikod” na ito ay nagpapakita ng pangloob na pagbabago ng isipan na nangyari.

Ang buod nito: Ang pagsisisi ayon sa Biblia ay pagbabago ng isip na nagdulot ng panglabas na pagtalikod mula sa kasalanaan tungo sa Dios at katuwiran.

WALANG BISANG PAGSISISI

May mga ilang talata sa Biblia na ginamit ang salitang “pagsisis” sa ibang kaparaanan.

JUDAS:

Ayon sa Mateo 27:3-4 nalaman ni Judas Iscariote na si Jesus ay nahatulan na ng kamatayan. Pinagsisihan niya na ipinagkanulo niya si Cristo:

Nang magkagayo’y si Judas, na nagkanulo sa kaniya, pagkakitang Siya’y nahatulan na, ay nagsisi, at isinauli ang tatlongpung putol na pilak sa mga pangulong saserdote at matatanda,

Na sinabi, Nagkasala ako sa aking pagkakanulo sa dugong walang kasalanan…(Mateo 27:3-4)

Ang Griegong salita na ginamit dito ay hindi katulad ng salitang ang ibig sabihin ay pagbabago. Ito ay salitang ginagamit ng tao na kalimitang may maling pakahulugan sa tunay na pagsisisi.

Sa maraming mga wika may mga salita na higit sa isa ang katuturan. Ito ay tutoo sa wika na kung saan ang Biblia ay nasulat. Mayroong higit sa isang pakahulugan ang salitang “pagsisisi” sa Biblia. Ang ibig sabihin ng salitang ginamit sa talatang ito tungkol kay Judas ay emosyon, lungkot, at mapighati.

Naranasan ni Judas ang malungkot sa kanyang ginawa subalit hindi niya naranasan ang tunay na pagsisisi ayon sa Bibliang katuturan. Hindi siya gumawa ng desisyon upang magdulot ng pagbabago ng kanyang mga gawa. Siya ay nagpatuloy sa kasalanan at sa wakas siya ay nagbigti.

ESAU:

Si Esau ang isang tao na gumawa ng kalunus-lunos na pagkakamali. Si Esau ay nagkasala nang ipinagpalit niya sa isang mangkok na sabaw ang kanyang karapatan bilang panganay na anak. Natala sa Biblia:

…Pagkatapos ay ninanasa niyang magmana ng pagpapala, siya’y itinakwil; sapagka’t wala na siyang nasumpungang pagkakataon ng pagsisisi sa kanyang ama, bagamat pinagsisikapan niyang mapilit na lumuha.

(Hebreo 12:17)

Ipinagpalit ni Esau ang kanyang karapatan bilang panganay na anak sa isang mangkok na sabaw. Dahil dito hindi niya tinanggap ang mga pagpapala at mga pangako ng Dios na kalakip ng karapatan ng panganay na anak.

Pagkatapos, nagsisi si Esau sa kanyang ginawa. Siya ay umiyak nang malakas at lumuha. Subalit ang sobrang emosyon ay hindi katunayan ng pagsisisi. Si Esau ay hindi tunay na nagsisi. Siya ay nanghinayan lamang sa karapatan ng panganay na anak at nais niya na makuha muli ito. Ang kanyang “pagsisisi” ay hindi katanggap-tanggap dahil mayroong pagkakaiba ang panghihinayang at tunay na pagsisisi.

PATAY NA MGA GAWA

Kung lubos nating mauunawaan ang tunay na kahulugan ng pagsisisi, dapat nating maunawaan kung ano ang ating pinagsisisihan. Dapat nating maunawaan ang “ patay na mga gawa”. Ang “Patay na mga Gawa” ay buhay na hiwalay sa Dios. Ang mga gawang ito ay maaring maling gawain o mapagmapuring gawa.

Ang mga ito ay “kasalanan” ayon sa Biblia. Ang pangunahing bagay na sanhi ng kasalanan ay pagkamakasarili. Ito ay pagmamahal sa sarili salungat sa pagmamahal sa Dios. Ang pag-ibig sa sarili ay magdudulot sa tao na gawin ang “anumang nais niya”:

Tayong lahat na gaya ng mga tupa ay naligaw; tayo ay tumungo bawa’t isa sa kanyang sariling daan… (Isaias 53:6)

Si Jesus ay namatay para sa kasalanaan ng tao para…

…ang nangabubuhay ay huwag nang mabuhay pa sa kanilang sarili, kundi doon sa namatay dahil sa kanila at muling nabuhay. (II Corinto 5:15)

Kapag ikaw ay nagsisi sa makasariling mga patay na gawa kinikilala mo ang pagkakaroon ng nag-iisang tunay na Dios, malaman mong ikaw ay makasalanan, humingi ng kapatawaran sa iyong kasalanan, at tanggapin ang plano ng Dios sa kaligtasan sa pamamagitan ni Jesu-Cristo.

ANG PINAGMULAN NG KASALANAN

Nagkaroon ng kasamaan bago pa likhain ang tao. Ang kasalanan ay nagsimula kay Lucifer, kilala rin siyang si Satanas. Natala sa Biblia na nilikha ng Dios si Lucifer na espesyal na anghel at sakdal. Si Lucifer ay nagkasala nang nagtangka siyang magrebelde sa Dios. Dahil sa kasalanang ito, si Lucifer ay napaalis mula sa langit tungo sa lupa:

Ano’t nahulog ka mula sa langit, oh tala sa umaga, anak ng umaga! Paanong ikaw ay lumagpak sa lupa, ikaw na siyang nagpahina sa mga bansa!

At sinabi mo sa iyong sarili, ako’y sasampa sa langit, aking itataas ang aking luklukan sa itaas ng mga bituin ng Dios; at ako’y uupo sa bundok ng kapisanan, sa mga kaduluduluhang bahagi ng hilagaan:

Ako’y sasampa sa itaas ng mga kaitaasan ng mga alapaap; ako’y magiging gaya ng kataastaasan. (Isaias 14:12-14)

Ikaw ang pinahirang kerubin na tumatakip: at itinatag kita, na anopa’t ikaw ay nasa ibabaw ng banal na bundok ng Dios…

Ikaw ay sakdal sa iyong mga lakad mula sa araw na ikaw ay lalangin, hanggang sa ang kalikuan ay nasumpungan sa iyo…. Kaya’t ihahagis kitang parang dumi mula sa bundok… (Ezekiel 28:14-16)

Sa lupa, si Lucifer (nakilala sa si Satanas) ay nagpatuloy sa pagrerebelde sa Dios. Nang likhain ng Dios ang unang lalaki at babae (Adam at Eva), inakay ni Satanas sina Adam at Eva na magkasala sa Dios. Kung minsan ang pagrerebeldeng ito ay tinatawag na “ Pagkahulog ng tao sa kasalanaan”, ang ibig sabihin ang tao ay nahulog mula sa katuwiran tungo sa kasalanan. Mababasa mo ito sa sa Genesis kabanata dalawa at tatlo.

Pinaalalahanan ng Dios si Adam at si Eva na ang mga kabayaran ng kasalanan ay kasama ang pisikal at espirituwal na kamatayan. Ang espirituwal na kamatayan ay pagkawala ng relasyon sa Dios. Ang pisikal na kamatayan ay pagkamatay ng aktuwal na pisikal na katawan. Dahil sa kasalanan nina Adam at Eva ang kamatayan ay naranasan ng lahat ng tao:

Kaya, kung paano sa pamamagitan ng isang tao ay pumasok ang kasalanan sa sanglibutan, at ang kamataya’y sa pamamagitan ng kasalanan;

(Roma 5:12)

Dahil sa kasalanan ng unang lalaki at babae, ang kasalanan ay dumaloy sa sangkatauhan. Ang ibig sabihin lahat ng ipinanganak ay nakamana ng likas na kasalanan.

Kung paano ang pisikal na katangian ay namamana, ang espirituwal na katangian ng likas na kasalanan ay namamana rin. Ang bawat tao ay nagkasala at nahaharap sa kabayaran ng pisikal at espirituwal na kamatayan.

Si Satanas ang may reponsabilidad sa lahat ng kasamaan sa mundo. Ang kanyang rebelyon sa Dios ay nagpapatuloy habang kanyang tinutukso ang tao na magkasala. Mayroong patuloy na pagtatalo sa espirituwal na mundo sa puso, isipan at kaluluwa ng tao.

Ang bawat tao ay nakamana ng likas na kasalanan. Ang bawat tao ay indibiduwal na nagkasala kapag siya ay nadala ng likas na kasalanan upang magrebelde sa Dios:

Kundi ang bawa’t tao ay natutukso, pagka nahihila ng sariling masamang pita at nahihikayat. (Santiago 1:14-15)

Ang lahat ay nagkasala, subalilt naglaan ang Dios ng paraan para makaligtas sa kabayaran ng kasalanan. Sa pamamagitan ng pagsisisi sa mga patay na gawa at pagtanggap Kay Jesu-Cristo bilang personal na Tagapagligtas ikaw ay “maliligtas” sa kabayaran ng kasalanan.

MGA PANGALAN NG KASALANAN

Gumamit ang Biblia ng iba’t ibang pangalan ng kasalanan:

KASALANAN:

At siya’y nanganak ng isang lalake; at ang pangalang itatawag mo sa kaniya’y JESUS; sapagkat ililigtas niya ang kanyang bayan. (Mateo 1:21)

Ang aktuwal na ibig sabihin ng salitang “ kasalanan” ay hindi natamaan at nasa mali. Katulad ng pagtira ng isang sandata at hindi natamaan. Ang hindi pag-abot sa sakdal na plano ng Dios sa iyong buhay.

KASAMAAN:

Sapagkat mula sa loob, mula sa puso ng mga tao, lumalabas ang masasamang pag-iisip… (Marcos 7:21)

Ang ibig sabihin ng kasamaan ay masama, walang halaga, bulok, napakasama, at imoral.

NAPAKASAMANG GAWAIN:

Ang ibig sabihin ng napakasamang gawain ay mayroong masamang isip upang gumawa ng kalokohan. Ito ay pagwawalang bahala sa katuwiran, katarungan, katotohanan, at kagandahang asal:

Gayon din ang mangyayari sa katapusan ng sanglibutan: lalabas ang mga anghel, at hihiwalay ang masasama sa matutuwid. (Mateo 13:49)

PAGLABAG SA BATAS:

Paglabag sa batas ang isang pangalan ng kasalanan. Katulad ng isang tao na lumampas sa linya na wala siyang karapatang tumapak doon, sumalakay sa ipinagbabawal na teritoryo., at pagtawid sa hangganan ng tama at mali:

Ano nga ba ang kabuluhan ng kautusan? Idinagdag dahil sa mga pagsalangsang...(Galacia 3:19)

HINDI MAKATARUNGAN:

Ang ibig sabihin ng salitang ito ay kawalan ng katarungan, mali, labis na kawalang- katarungan, kamalian, mapanloko:

Lahat ng kalikuan ay kasalanan…(I Juan 5:17)

HINDI MAKA DIOS:

Ang ibig sabihin ng hindi maka-Dios ay hindi tapat, napakasamang gawain, buong pagwawalang bahala sa Dios. Pagtrato na parang hindi tutoo ang Dios. Ang hindi maka-Dios ay hindi katulad ng Ateismo na, naniniwala na walang Dios. Ang hindi maka-Dios ay naniniwala na may Dios subalit binabaliwala ang Dios at ang mga batas ng Dios.

Sapagka’t ang poot ng Dios ay nahahayag mula sa langit laban sa lahat ng kasamaan at kalikuan… ( Roma 1:18)

LABIS NA KAWALANG KATARUNGAN:

Ibig sabihin walang kinikilalang batas, maaaring walang batas o lumabag sa batas:

…Magsilayo kayo sa akin, kayong maggagawa ng katampalasanan.

(Mateo 7:23)

DI-PAGSUNOD:

Ang di-pasunod ay kabaliktaran ng pagsunod. Ibig sabihin pag baliwala sa Dios at sa batas ng Dios:

Sapagka’t kung paanong sa pamamagitan ng pagsuway ng isang tao ang marami ay naging mga makasalanan… (Roma 5:19)

MANGHIMASOK:

Ang ibig sabihin ng manghimasok ay umalis sa tamang daan at tumawid sa hangganan ng tama at mali. Katulad ng pagpunta sa lupa na pag-aari ng ibang tao na walang pahintulot:

At kayo’y binuhay niya, nang kayo’y mga patay dahil sa inyong mga pagsalangsang at mga kasalanan. (Efeso 2:1)

ISALANG PANIMULA…

Ang kabanatang ito ay isa lang panimula para sa paksa ng pagsisisi sa patay na mga gawa. Iyong naunawaan ang kahulugan ng pagsisisi, ang mga pangalan at kahulugan ng kasalanan, at ang pinagmulan ng kasalanan.

Ipagpapatuloy sa susunod na kabanata ang pagtalakay sa unang prinsipyo ng Pananampalatayang Kristiyano, pagsisisi sa patay na mga gawa.

PANSARILING PAGSUSULIT

1. Isulat ang susing talata mula sa memorya.

____________________________________________________________________________________________________________________________________________________

2. Ibigay ang kahulugan ng “ pagsisisi sa patay na mga gawa.”

__________________________________________________________________________

3. Isulat ang siyam (9) na salita na ginamit sa Biblia para sa kasalanan.

_____________________________ _____________________________

_____________________________

4. Ilan sa sangkatauhan ang makasalanan? Magbigay ng talata sa Biblia upang suportahan ang iyong sagot:

__________________________________________________________________________

5. Ilarawan ang pinagmulan ng kasalanan.

____________________________________________________________________________________________________________________________________________________

6. Magbanggit ng dalawang tao sa Biblia na walang bisa ang pagsisisi.

___________________________ at ___________________________

(Ang sagot sa pagsusulit ay nakatala sa pagtatapos ng huling kabanata ng manwal na ito.)

PARA SA DAGDAG NA PAG-AARAL

Tinalakay sa kabanatang ito ang pinagmulan ng kasalanan at binigyang kahulugan ang mga pangalan nito ayon sa pakahulugan ng Biblia. Subalit ano ang itinuturing ng Dios na kasalanan? Ang kasalanan ay pagsuway sa kahit anong batas ng Dios.

Ang sinomang gumagawa ng kasalanan ay sumasalangsang din naman sa kautusan: at ang kasalanan ay ang pagsalanggang sa kautusan. (I Juan 3:4)

Ang batas ng Dios ay nakasulat sa Biblia. Karagdagan sa Kanyang mga batas, ang Dios ay nag- bigay ng mga listahan kung anong mga kasalanan ang dapat nating iwasan.

MGA KASALANANG NAKALISTA SA BIBLIA

Ang Bagong Tipan ay naglista ng partikular na mga kasalanan, itinuro ang pinagmumulan ng mga kasalanang ito, at ipahayag ang mga kaparusahan para sa mga kasalanan. Kinilala ang isang daan at tatlong (103) mga kasalanan sa mga sumusunod na reperensya. Ang iba ay naulit mahigit sa isang listahan. Ang mga ito ay…

- Pito (7) ang mula sa puso at karumihan: Mateo 15:18-20

- Labing tatlo (13) ) ang mula sa puso at karumihan: Marcos 7:21-23

- Dalawangpu’t tatlo (23) ang nagdulot ng kaparusahan ng Dios: Roma 1:29-32

- Pito (7) ang hindi magagawa ng mananampalataya. Roma 13:13,14

- Anim (6) ang hindi dapat makihalubilo ang mananampalataya: I Corinto 5:9-11

- Sampu (10) ang nakahahadlang upang hindi makapasok sa Kaharian ng Dios:

I Corinto 6:9-10

- Karagdagang Labing pito (17) ang nakahahadlang upang hindi makapasok sa Kaharian ng Dios: Galacia 5:19-21

- Apat (4) ang nagdadala ng poot at nakahahadlang upang hindi makapasok sa Kaharian ng Dios: Efeso 5:5-6

- Labing isa (11) kung saan ang mananampalataya ay dapat tumalikod: II Corinto 12:20-21

- Siyam (9) kung saan ang hindi ligtas ay namumuhay at ang mananampalataya ay hindi dapat mamuhay: Efeso 4:17-19

- Anim (6) ang hindi dapat makita sa mananampalataya: Efeso 5:3-4

- Siyam (9) ang dapat alisin ng mananampalataya. Efeso 4: 25,28,29,31

- Anim (6) ang dapat layuan ng mananampalataya: Colosas 3:8,9

- Anim (6) ang dapat patayin at nagdudulot ng poot ng Dios: Colosas 3:5-6

- Labing apat (14) kung saan ang batas ay naibigay: I Timoteo 1:9-10

- Labing siyam (19) ) kung saan ang mananampalataya ay dapat tumalikod: II Timoteo 3:1-5

- Siyam (9) kung saan ang mananampalataya ay naligtas: Tito 3:3-5

- Lima (5) kung saan ang mananampalatataya ay dapat humiwalay: I Pedro 2:1

- Pito (7) ang mga kasalanan ng laman kung saan ang mananampalataya ay hindi na namumuhay: I Pedro 4:2-4

- Walo (8) ang nahusgahan sa daga’t-dagatang apoy: Apocalipsis 21:8

- Anim (6) ang hadlang para magkaroon ng karapatan sa punong kahoy ng buhay at makapasok sa bayan : Apocalipsis 22:14

IKATLONG KABANATA

PAGSISISI SA MGA PATAY NA GAWA: II BAHAGI

MGA LAYUNIN:

Pagkatapos pag-aralan ang kabanatang ito ikaw ay may kakayahang:

· Isulat ang Susing Talata mula sa memorya.

· Ipaliwanag ang kahalagahan ng pagsisisi.

· Ipaliwanag ang sanhi ng pagsisisi ng tao.

· Magbanggit ng apat na bagay na may kaugnayan sa pagsisisi.

· Bigyang kahulugan ang pagkahikayat.

· Ipaliwanag ang kahalagahan ng pagkahikayat.

· Bigyang kahulugan ang pag-aaring ganap.

· Ipaliwanag kung ano ang ibig sabihin ng “maligtas.”

· Gamitin ang talinhaga ng alibughang anak upang ilarawan ang pagsisisi at pagkahikayat.

SUSING TALATA:

Hindi ako pumarito upang tawagin ang mga matuwid, kundi ang mga makasalanan sa pagsisisi. (Lucas 5:32)

PAMBUNGAD

Binigyang kahulugan ng huling kabanata ang “pagsisisi sa patay na mga gawa” na siyang una sa pangunahing doktrina na nakasulat sa Hebreo 6:1-3. Ang “Patay na mga gawa” ay itinuring na kasalanan at ang pinagmulan ng kasalanan ay sinuri. Iyong natutuhan kung paanong ang unang kasalanan nina Adam at Eva ay sumira sa likas ng tao at kung paanong ang likas na kasalanan ay namana ng lahat ng tao. Natutuhan mo rin kung paanong ang sirang likas ay nagdulot sa lahat ng tao na patuloy na nagkakakasalang indibidual kapag sila ay nahihila ng likas na ito tungo sa aktuwal na kasalanan.

Ipagpapatuloy ng kabanatang ito ang unang prinsipyo ng pundasyong espirituwal - ang pagsisisi sa patay na mga gawa.

PAGSISISI

Ang pagsisisi sa patay na mga gawa ay binigyang kahulugan na “ pangloob na desisyon o pagbabago ng isip na nagdudulot ng panglabas na gawa tungo sa Dios mula sa kasalanan.” Ayon sa Mga Gawa 20:21 ito ay tinawag na “pagsisisi sa Dios.” Sa pamamagitan ng pagsisisi ikaw ay tumalikod sa patay na mga gawa tungo sa Dios. Ang pagsisisi ay personal na desisyon para talikuran ang kasalanan at pumasok sa pakikipagkaisa sa Dios. Ang kapangyarihan ng Dios ang tunay na nagdudulot ng pagbabago ng isip, puso at buhay ng isang makasalanan.

Kung gayo’y binigyan din naman ng Dios ang mga Gentil ng pagsisisi sa ikabubuhay. (Mga Gawa 11:18)

Ang pagsisisi ay kaloob mula sa Dios:

Siya’y pinadakila ng Dios ng kaniyang kanang kamay upang maging Prinsipe at Tagapagligtas, upang magbigay ng pagsisisi… (Mga Gawa 5:31)

Bagaman ang emosyon ay maaaring may kinalaman sa pagsisisi, ang tunay na pagsisisi sa patay na mga gawa ay isang desisyon, hindi lang emosyon. Ayon sa iyong natutuhan, kalungkutan sa kasalanan, pagluha, at iba pa, ay hindi sapat. Ito ay dapat mayroong pangloob na desisyon na ang resulta ay panglabas na pagbabago.

ANG KAHALAGAHAN NG PAGSISISI

May mga ilang kadahilanan kung bakit ang pagsisisi ay itinuring na katotohanang pundasyon ng pananampalatayang Kristiyano:

UTOS ITO NG DIOS:

…Ipinaguutos niya sa mga tao na mangagsisi silang lahat sa lahat ng dako. (Mga Gawa 17:30)

ITO’Y KINAKAILANGAN UPANG MAIWASAN ANG ESPIRITUWAL NA KAMATAYAN:

…malibang kayo’y mangagsisi, ay mangamamatay kayong lahat sa gayon ding paraan (Lucas 13:3)

ITO’Y KINAKAILANGAN PARA SA BUHAY NA WALANGHANGGAN:

Sa pamamagitan ng pagsisisi ang kabayaran ng kasalanaan ay nawala at buhay na walang hanggan ay ipinagkaloob:

At nang marinig nila ang mga bagay na ito, ay nagsitahimik sila, at niluwalhati ang Dios, na sinasabi, Kung gayo’y binigyan din naman ng Dios ang mga Gentil ng pagsisisi sa ikabubuhay . (Mga Gawa 11:18)

ITO’Y KINAKAILANGAN SA PAGPAPATAWAD:

Hindi mapapatawad ng Dios ang iyong mga kasalanan kung hindi ka magsisisi:

At sinabi sa kanila ni Pedro, Magagsisi kayo, mangagbautismo ang bawat isa sa inyo sa pangalan ni Jesucristo sa ikapagpapatawad ng inyong mga kasalanan; at tatanggapin ninyo ang kaloob ng Espiritu Santo.

(Mga Gawa 2:38)

ITO’Y KINAKAILANGAN SA PAGPASOK SA KAHARIAN NG DIOS:

Mula noon ay nagpasimulang mangaral si Jesus , at magsabi, Mangagsisi kayo; sapagka’t malapit na ang kaharian ng langit. (Mateo 4:17)

ITO ANG NAIS NG DIOS PARA SA LAHAT:

Hindi nais ng Dios na ang sinoman ay maranasan ang kamatayang espirituwal at walanghanggang pagkahiwalay sa Dios sa Impiyerno.

Ang Panginoon… kundi mapagpahinuhod sa inyo, na hindi niya ibig na sinoman ay mapahamaK, kundi ang lahat ay magsipagsisi. (II Pedro 3:9)

ITO ANG DAHILAN KUNG BAKIT SI JESUS AY PUMARITO SA MUNDO:

Hindi ako pumarito upang tawagin ang matuwid, kundi ang mga makasalanan sa pagsisisi. (Lucas 5:32)

ANG MGA KRISTIYANO BA AY NAGSISISI?

Sa unang pagsisisi, ang makasalanang tao ay bumaling mula sa mali tungo sa tama, tinanggap ang mensahe ng Mabuting Balita, at naging tunay na mananampalataya ni Jesu-Cristo. Sa proseso ng pagtungo sa kasakdalan (kung saan pag-aaralan sa kursong ito) , kung minsan ang mananampalataya ay nahuhulog muli sa dating buhay na makasalanan. Ayon sa Biblia, sa tuwing ang mga mananampalataya ay nagkasala dapat muli silang magsisi.

ANG MGA TAGA CORINTO:

Ang mga mananampalataya sa Corinto ay kinailangan na magsisi:

Ngayo’y nagagalak ako, hindi dahil sa inyong pagkalumbay, kundi dahil sa inyong mga pagkalumbay na ikapagsisisi… (II Corinto 7:9)

Natakot nga ako na baka sa anomang paraan, kung ako’y dumating…at ako’y malulumbay dahil sa marami sa nagkasalang una , at hindi nagsisi sa karumihan at sa pakikiapid at sa kalibugan na ginawa nila. (II Corinto 12:20-21)

ANG MGA TAGA EFESO:

Ang mga mananampalataya sa Efeso ay sinabihan na magsisi:

Kaya’t alalahanin mo kung saan ka nahulog, at magsisi ka at gawin mo ang iyong mga unang gawa. (Apocalipsis 2:5)

MGA KRISTIYANO SA PERGAMO:

Sinabi ng Dios sa mga Kristiyano sa Pergamo:

Magsisi ka nga; o kung hindi ay madaling paririyan ako sa iyo, at babakahin ko sila ng tabak ng aking bibig. (Apocalipsis 2:16)

MGA KRISTIYANO SA SARDIS:

Alalahanin mo nga kung paanong iyong tinanggap at narinig; at ito’y tuparin mo, at magsisi ka. (Apocalipsis 3:3)

MGA KRISTIYANO SA LAODICEA:

Ang lahat kong iniibig, ay aking sinasaway at pinarurusahan: ikaw nga’y magsikap at magsisi. (Apocalipsis 3:19)

Kung saan may kasalanan, dapat may pagsisisi:

Kung sinasabi nating tayo’y walang kasalanan, ay ating dinadaya ang ating sarili, at ang katotohanan ay wala sa atin.

Kung ipapahayag natin ang ating mga kasalanan, ay tapat at banal Siya na tayo’y patatawarin sa ating mga kasalanan, at tayo’y lilinisin sa lahat ng kalikuan. ( I Juan 1:8-9)

ANG MENSAHE NG PAGSISISI

Dahil ang pagsisisi ay kinakailangan sa kaligtasan, ang Dios ay gumawa ng espesyal na plano para ang mensahe ng pagsisisi ay maabot ang bawat isa. Ang tawag ng pagsisisi ay nagsimula sa Bagong Tipan sa ministeryo ni Juan Bautista:

Ang tinig ng isang sumisigaw sa ilang, Ihanda ninyo ang daan ng Panginoon, Tuwirin ninyo ang kaniyang landas;

Dumating si Juan na nagbabautismo, sa ilang at ipinangangaral ang bautismo ng pagsisisi sa ikapagpapatawad ng mga kasalanan. (Marcos 1:3-4)

Ang pagsisisi ay kinakailangan upang ang Mesias (Jesus) ay maipahayag. Hanggang ang Israel ay hindi pa natatawag tungo sa Dios sa pagsisi, si Jesus ay hindi pa maipapahayag. Ang pagsisisi ang unang mensahe na ipinahayag ni Jesus.

Pagkatapos ngang madakip si Juan, ay napasa Galilea si Jesus na ipinangangaral ang evangelio ng Dios.

At sinabi, Naganap na ang panahon, at malapit na ang kaharian ng Dios: kayo’y mangagsisi, at magsisampalataya sa evangelio. ( Marcos 1: 14-15)

Ang pagsisisi ay naipahayag ng mga mananamapalataya sa unang iglesya:

At sila’y nangagsialis, nagsipangaral na magsisi ang mga tao. (Marcos 6:12)

Na sinaksihan ko sa mga Judio at gayon din sa mga Griego ang pagsisisi sa Dios at ang pananampalataya sa ating Panginoong Jesucristo.

(Mga Gawa 20:21)

Ngayon, ang mga mananampalataya ay patuloy na may responsabilidad na ipangaral ang mensahe ng pagsisisi sa buong daigdig. Nagbigay ng tagubilin ni Jesus sa kanyang mga tagasunod na …

At ipinangaral sa Kaniyang pangalan ang pagsisisi at pagpapatawad ng mga kasalanan sa lahat ng mga bansa magbuhat sa Jerusalem. (Lucas 24:47)

ANO ANG SANHI NG PAGSISISI NG TAO?

Dahil ang pagsisisi ay pundasyon kung saan ang pananampalatayang Kristiyano ay nakasalalay, dapat nating maunawaan kung ano ang sanhi ng pagsisisi ng tao. Kung ikaw ay may responsabilidad na ipangalat ang mensahe ng pagsisisi sa buong daigdig, dapat mong malaman kung paano ang tao ay mahihikayat na magsisi sa patay na mga gawa.

ANG KABUTIHAN NG DIOS:

Ang pagpapala ng Dios sa buhay ng mga hindi maka-dios na mga tao ay hindi dapat ipagkamali na ang istilo ng buhay nila ay aprobado ng Dios. Ang kabutihan ng Dios ay isang paraan upang maging panawagan sa mga tao na lumapit sa Dios.

O hinahamak mo ang mga kayamanan ng kaniyang kabutihan at pagtitiis at pagpapahinuhod, na hindi mo nalalaman na ang kabutihan ng Dios ay siyang umaakay sa iyo sa pagsisisi. ( Roma 2:4)

PANGANGARAL:

Ang pangangaral ng Salita ng Dios ay magdudulot ng magsisisi sa tao. Ang pagsisisi ng buong siyudad ng Ninive ay resulta ng pangangaral ni Jona:

Magsisitayo sa paghuhukom ang mga tao sa Nineve na kasama ng lahing ito, at ito’y hahatulan: sapagka’t sila’y nagsipagsisi sa pangangaral ni Jona.

( Mateo 12:41)

ANG TAWAG NI CRISTO:

Habang ang Salita ng Dios ay ipinangangaral, nakikinig at tumutugon ang mga tao sa tawag ni Cristo na magdudulot ng pagsisisi.

… sapagka’t hindi ako naparito upang tumawag ng mga matuwid, kundi ng mga makasalanan. (Mateo 9:13)

ANG DIOS AMA:

Sinabi ni Jesus na walang makalalapit sa Kanya maliban na ang Ama ang maglapit sa kanya. Ang Dios ang naglalapit sa tao sa pagsisisi.

Walang taong makalalapit sa akin, maliban na ang Amang nagsugo sa Akin ang sa kaniya’y magdala sa Akin;… (Juan 6:44)

PAGSANSALA:

Ang pagsansala ay nagiging dahilan ng pagsisisi. Ang pagsansala ay pagtutuwid na sinabi mula sa Salita ng Dios:

… kung magkasala ang iyong kapatid, sawayin mo siya; at kung siya ay magsisi, patawarin mo siya. (Lucas 17:3)

KALUMBAYAN MULA SA DIOS:

Sapagka’t ang kalumbayang mula sa Dios ay gumagawa ng pagsisisi sa ikaliligtas… (II Corinto 7:10)

MGA BAGAY NA MAY KAUGNAYAN SA PAGSISISI

Kinilala ng Biblia ang mga bagay na may kaugnayan sa pagsisisi:

PANANAMPALATAYA:

Ang pananampalataya sa Dios ay may kaugnayan sa pagsisisi. Naka lista ito sa Hebreo 6 bilang pangalawang pundasyong espirituwal ng Kristiyanong pananampalataya. Ang pagsisisi sa patay na mga gawa at pananampalataya sa Dios ay dapat na magkasama:

… Kayo’y mangagsisi, at magsisampalataya sa evangelio. (Marcos 1:15)

Na sinasaksihan ko sa mga Judio at gayon din sa mga Griego ang pagsisisi sa Dios, at ang pananampalataya sa ating Panginoong Jesucristo. (Gawa 20:21)

Marami pa ang iyong matututuhan sa “pananampalataya sa Dios” sa susunod na kabanata habang ikaw ay nag-aaral sa pangalawang pundasyon ng Kristiyanong pananampalataya.

BAUTISMO:

Ang bautismo ay dapat kasama ng pagsisisi bilang panglabas na tanda sa pagbabagong nangyari sa kalooban.

Kaya nga mangagsisi kayo, at mangagbalik-loob. ( Mga Gawa 3:19)

Ang doktrina ng bautismo ay matatalakay sa ibang bahagi ng kursong ito bilang bahagi ng pundasyon na nabanggit sa Hebreo 6.

MGA GAWA:

Ang mga gawa ng tao, na tinawag din ng Biblia na mga bunga, ay magpapatunay kung mayroon o walang tunay na pagsisisi na nangyari:

… at gayon din sa mga Gentil, na sila’y mangagsisi at mangagbalik-loob sa Dios, na mangagsisigawa ng mga gawang karapatdapat sa pagsisisi.

(Mga Gawa 26:20)

Kayo nga’y mangagbunga ng karapatdapat sa pagsisisi. (Mateo 3:8)

“Mga Gawa” at “mga bunga” ay parehong tumutukoy sa panglabas na ugali na dapat nabago pagkatapos ng tunay na pagsisisi.

PAGBABALIK-LOOB:

Kaya nga mangagsisi kayo, at mangagbalik-loob, upang mangapawi ang inyong mga kasalanan. (Mga Gawa 3:19)

Dahil ang pagbabalik-loob ay may kaugnayan sa pagsisisi, kailangan mong maunawan ito.

PAGBABALIK-LOOB

Ang ibig sabihin ng pagbabalik-loob ay “ bumaling”. Kapag ito ay ginagamit sa Biblikal na pagsisisi, ang ibig sabihin ay “bumaling mula sa maling daan tungo sa tamang daan”

At marami sa anak ni Israel, papagbabaliking–loob niya sa Panginoon na kanilang Dios. (Lucas 1:16)

At Siya’y nakita ng lahat ng mga nangananahan sa Lidda at sa Sarona, at sila’y nangagbalik-loob sa Panginoon. (Mga Gawa 9:35)

At sumasa kanila ang kamay ng Panginoon: at ang lubhang marami sa nagsisampalataya ay nangagbalik-loob sa Panginoon. (Mga Gawa 11:21)

Ang pagbabalik-loob ay pagbaling mula sa kadiliman ng kasalanan tungo sa liwanag ng katuwiran ng Dios:

… upang sila’y mangagbalik sa ilaw mula sa kadiliman… (Mga Gawa 26:18)

Ito ay pagbaling mula sa kapangyarihan ni Satanas tungo sa Dios:

…at mula sa kapangyarihan ni Satanas hanggang sa Dios… (Mga Gawa 26:18)

Ito ay pagbaling mula sa mga makamundong bagay tungo sa espirituwal na mga bagay:

Upang mula sa mga bagay na itong walang kabuluhan ay magsibali kayo sa Dios na buhay. (Mga Gawa 14:15)

Ito ay pagbaling mula sa maling mga dios tungo sa tunay at buhay na Dios:

…at kung paanong nangagbalik kayo sa Dios mula sa mga diosdiosan, upang mangaglingkod sa Dios na buhay at tunay. (I Tesalonica 1:9)

ANG KAHALAGAHAN NG PAGBABALIK-LOOB:

Ang pagbabalik-loob ay dapat kasama ng pagsisisi. Dapat kang bumaling mula sa mali tungo sa tama dahil…

KINAKAILANGAN ITO PARA MAKAPASOK SA KAHARIAN NG DIOS:

Katotohanang sinasabi ko sa inyo, Maliban kayo’y magsipanumbalik at maging tulad sa maliliit na bata, sa anomang paraan ay hindi kayo magsisipasok sa kaharian ng langit. (Mateo 18:3)

ITO AY NAGLILIGATAS MULA SA KAMATAYANG ESPIRITUWAL:

Ay alamin nito na ang nagpapabalik-loob ng isang makasalaan, mula sa kamalian ng lakad niya ay magliligtas ng isang kaluluwa sa kamatayan, at magtatakip ng karamihang kasalanan. (Santiago 5:20)

KINAKAILANGAN ITO PARA MAALIS ANG KASALANAN:

Ang ating kasalanan ay nakasulat sa talaan ng Dios hanggat hindi tayo nagsisisi at hindi kombertido, kaya ito maalis:

Kaya nga mangagsisi kayo, at mangagbalik-loob, upang mangapawi ang inyong mga kasalanan. (Mga Gawa 3:19)

ANG ALIBUGHANG ANAK

Ang pagsisisi at pagbabalik-loob ay magandang nailarawan sa istorya na ikinuwento ni Jesus tungkol sa alibughang anak. Basahin ang istorya sa Lucas 15:11-24. Ang batang lalaking ito ay iniwan ang kanyang ama at tahanan, pumunta sa malayong lupain, at dahil sa kasalanan sinayang ang lahat niyang pag-aari.

Hindi nagtagal napagtanto ng batang lalaking ito ang kanyang kalagayan. Siya ay nagutom, nalungkot, naghirap, at pag-aalaga ng baboy ang kanyang trabaho. Gumawa siya ng mahalagang desisyon. Sabi niya,” Ako’y babangon at babalik sa aking ama.” Ang pangloob na desisyon na ito ay nagdulot ng pagbabago ng kanyang panglabas na gawa. Siya ay umuwi sa kanyang ama para humingi ng tawad.

PAGSISISI… ANG PAGBABAGO NG KAISIPAN:

Basahin ang Lucas 15:17-19. Napagtanto ng batang lalaking ito ang kanyang makasalanang katayuan. Gumawa siya ng desisyon na umuwi sa kanyang ama at magsisi sa kanyang kasalanan. Ito ay isang halimbawa ng pagsisisi. Ang pangloob na desisyon na nagdulot ng panglabas na gawa.

PAGBABALIK-LOOB… PAG-AKSYON SA DESISYON :

Nakasulat Sa Lucas 15:20 kung paanong ang batang lalaki ay tumayo at iniwan ang dating buhay at nagtungo sa kanyang ama para magsimula ng bagong buhay. Ito ang pagbabalik-loob.

ALIBUGHANG LALAKI

Sa kanyang makasalanang katayuan, ang bawat tao ay tumalikod sa Dios bilang kanyang Ama at sa langit na kanyang tahanan. Ang bawat hakbang niya ay isang hakbang palayo sa Dios at isang hakbang palapit sa espirituwal na kamatayan na walanghanggang pagkahiwalay sa Dios.

Mayroong mahalagang desisyon na dapat niyang gawin. Dapat siyang “bumalik sa kanyang sarili” at mapagtanto ang kanyang espirituwal na katayuan. Dapat siyang gumawa ng desisiyon na magdudulot ng pagbabago ng espirituwal na direksyon. Ang pagbabagong espirituwal na direksyon ay magbabalik sa kanya mula sa kasalanan tungo sa Dios. Ito ang unang hakbang sa pagtatayo ng tamang pundasyong espirituwal.

PAG-AARING GANAP AT KALIGTASAN

Mayroon pang dalawang termino na ginamit sa Biblia na may kaugnayan sa pagsisisi. Ang mga terminong ito ay “pag-aaring ganap “ at “kaligtasan”. Ang Dios ang hukom ng sangkatauhan. Kung ikaw ay nabubuhay sa “patay na mga gawa” (kasalanan) ikaw ay hinatulan na sa harapan Niya.

Ang sumampalataya sa Kaniya ay hindi hinahatulan; ang hindi sumasampalataya ay hinatulan na, sapagka’t hindi siya sumasampalataya sa pangalan ng bugtong na Anak ng Dios.

At ito ang kahatulan, na naparito ang ilaw sa sanglibutan, at inibig pa ng mga tao ang kadiliman kaysa ilaw; masasama ang kanilang mga gawa.

(Juan 3:18-19)

Kapag ikaw ay nagsisi sa kasalanan at gumawa ng desisiyon na tumalikod sa masasamang gawa nagtatayo ka ng tamang relasyon sa Dios. Ang tamang relasyon o pagpapaging matuwid sa harapan ng Dios ay tinatawag na “pag-aaring ganap.”

Hindi baga ninyo nalalaman, na kung kanino ninyo inihahandog ang inyong mga sarili na pinakaalipin upang tumalima ay kayo’y mga alipin niyaong inyong tinatalima; maging ng kasalanan sa ikamamatay, maging ng pagtalima sa ikapagigingmatuwid?

Datapuwa’y salamat sa Dios, na bagama’t kayo’y naging mga alipin ng kasalanan, kayo’y naging mga matalimahin sa puso doon sa uri ng aral na pinagbigyan sa inyo;

At yamang pinalaya kayo sa kasalanan ay naging mga alipin kayo ng katuwiran.

(Roma 6:16-18)

Ang kabayaran sa kasalanan ay pisikal at espirituwal na kamatayan. Nang si Jesus ay namatay sa krus, binayaran niya ang kabayaran ng kasalanan ng buong sangkatauhan.

Yaong hindi nakakilala ng kasalanan ay kaniyang inaring may sala dahil sa atin: upang tayo’y maging sa kaniya’y katuwiran ng Dios. (II Corinto 5:21)

Kung ikaw ay naniniwala na si Jesus ay namatay sa iyong mga kasalanan, magsisi ka, at tanggapin mo siya bilang Tagapagligtas, dahil dito hindi mo mararanasan ang espirituwal na kamatayan at walanghanggang pagkahiwalay sa Dios at sa impiyerno. Kahit nga ang iyong pisikal na katawan ay mamatay. Ikaw ay babangon na muli sa walanghanggang buhay. Ito ay nangyari dahil sa kamatayan at pagkabuhay na muli ng ating Panginoong Jesus. Ikaw ay inaring ganap, o nagkaroon ng tamang relasyon sa Dios, sa pamamagitan ni Jesu- Cristo.

Palibhasa’y inaring-ganap na walang bayad ng Kaniyang biyaya sa pamamagitan ng pagtubos na nasa kay Cristo Jesus: (Roma 3:24)

Lubha pa nga ngayong inaaring- ganap sa pamamagitan ng kaniyang dugo, ay mangaliligtas tayo sa galit ng Dios sa pamamagitan niya. (Roma 5:9)

Yaman nga na inaaring-ganap sa pananampalataya, mayroon tayong kapayapaan sa Dios sa pamamagitan ng ating Panginoong Jesucristo.

(Roma 5:1)

Kung ikaw ay inaring –ganap sa pamamagitan ng pagsisisi at pagtanggap kay Jesu- Cristo bilang Tagapagligtas ikaw ay naligtas mula sa buhay na makasalanan at kabayaran ng kasalanan:

Katotohanan, katotohanang sinasabi ko sa inyo, Ang dumirinig sa aking salita, at sumasampalataya sa kaniya na nagsugo sa akin, ay may buhay na walang hanggan, at hindi mapapasok sa paghatol, kundi lumipat na sa kabuhayan mula sa kamatayan. (Juan 5:24)

Ito ang ibig sabihin ng naligtas at kung ano ang sinasabi ng Biblia kapag ginagamit ang salitang “kaligtasan”.

Nais ng Dios na ang lahat ng tao ay magkaroon ng kaligtasan, sa halip na maranasan ang poot ng hatol ng Dios sa kasalanan:

Sapagka’t tayo’y hindi itinalaga ng Dios sa galit, kundi sa pagtatamo ng pagkaligtas sa pamamagitan ng ating Panginoong Jesucristo. Na namatay dahil sa atin… (I Tesalonica 5:9-10a)

Sapagka’t gayon na lamang ang pagsinta ng Dios sa sanglibutan na ibinigay Niya ang kaniyang bugtong na Anak, upang ang sinomang sa kaniya’y sumampalataya ay huwag mapahamak, kundi magkaroon ng bauhay na walang hanggan.

Sapagka’t hindi isinugo ng Dios ang Anak sa sanlinbutan upang hatulan ang sanlibutan; kundi upang ang sanlibutan ay maligtas sa pamamagitan niya. (Juan 3:16-17)

BUOD

Ang tsart sa susunod na pahina ay nagbibigay ng buod ng pangunahin konsepto na itinuro sa pangalawa at tatlong kabanata.

Mahalagang tandaan na ang bawat prinsipyo ng pundasyon ng Kristiyanong Pananampalataya ay magkakaugnay sa bawat isa. Halimbawa, ang pagsisisi sa patay na mga gawa ay hindi maaaring ihiwalay sa pananampalataya sa Dios na siyang paksa sa susunod na kabanata.

Pinagmulan ng Kasalanan: Lucifer (Satanas)

Nagrebelde sa Dios

Inakay niya ang tao na nagdulot ng

Pagkahulog ng Tao ( Adam at Eva)

Nagdulot ito ng

Ang lahat ng tao ay nakamana ng likas ng kasalanan at makagawa

ng inibiduwal na kasalanan dahil sa likas nito

Ang kasalanan ay nag-akay sa:

Kamatayang Espirituwal

Kamatayang Pisikal

Sa Krus , binayaran ni Jesus ang kabayaran ng kasalanan na

nagdulot ng pag-aaring ganap sa makasalang tao:

Pagsisisi sa Patay na mga Gawa (Pangloob na Pagpapasiya)

Na nag-akay sa

Pagbabalik-loob

( Ang panlabas na Pagbabago)

na nagdulot ng

Pagaaring –ganap ng Makasalanang tao sa

harapan ng Matuwid na Dios

Kaligtasan Mula Sa Buhay Na Makasalanan

At Kabayaran ng Kasalanan

PANSARILING –PAGSUSULIT

1. Ilista ang pitong mga dahilan bakit mahalaga at kinakailangan ang pagsisisi sa kaligtasan.

_________________________ _________________________

_________________________

2. Ilista ang anim na sanhi ng pagsisisi ng tao.

_________________________ _________________________

3. Ibigay ang kahulugan ng Pagbabalik-loob.

____________________________________________________________________

4. Gamitin ang istorya ng Alibughang anak, ilarawan ang pagsisisi at pagbabalik-loob.

____________________________________________________________________

5. Isulat ang Susing Talata mula sa memorya.

____________________________________________________________________

6. Ilista ang apat na bagay na may kinaalaman sa pagsisisi ayon sa Biblia.

___________________________ __________________________

7. Ang Kristiyano ba ay nagsisisi? ___________

8. Magbigay ng tatlong halimbawa sa Biblia na ang Kristiyano ay kinakailangang magsisi.

_______________________________________________________________________

9. Ibigay ang kahulugan ng pagaaring –ganap.

_______________________________________________________________________

10. Ano ang ibig sabihin ng “maligtas”?

_______________________________________________________________________

(Ang sagot sa pagsusulit ay nakatala sa pagtatapos ng huling kabanata ng manwal na ito.)

PARA SA DAGDAG NA PAG-AARAL

Ang pagsisisi, pagbabalik-loob, at pag-aaring ganap ay tinalakay sa kabanatang ito.

Gamitin ang mga sumusunod na talata para sa pagpapatuloy ng iyong pag-aaral sa mga mahahalagang termino.

PAGBABALIK-LOOB:

Mateo 18:3

Mga Gawa 3:19

Awit 19:7

PAGAARING-GANAP:

Mga Gawa 13:39

Roma 2:13; 3:4,20,24,28; 4:2,25; 5:1,16,18; 8:30

I Corinto 6:11

Galacia 2:16-17; 3:8,11,24

Tito 3:7

Santiago 2:21-25

PAGSISISI:

Mateo 3:2,8,11; 4:17; 9:13; 11:20-21; 12:41

Marcos 1:4,15; 2:17; 6:12

Lucas 3:3,8; 5: 32; 11:32; 13:3,5; 15:7,10; 17:3,4; 24:47

Mga Gawa 2:38; 3:19; 5:31; 8:22; 17:30; 26:20; 5:31; 11:18; 13:24; 19:4; 20:21

Roma 2:4

II Corinto 7:8-10

II Pedro 3: 9

Apocalipsis 2:5,16; 3:3,19

IKA- APAT NA KABANATA

PANANAMPALATAYA SA DIOS

MGA LAYUNIN:

Pagkatapos pag-aralan ang kabanatang ito ikaw ay may kakayahang:

· Isulat ang susing Talata mula sa memorya.

· Isulat ang kahulugan ng pananampalataya.

· Kilalanin ang iba’t ibang uri ng pananampalataya.

· Isulat ang kahulugan ng terminong “pananampalataya sa Dios”

· Ipaliwanag kung bakit mahalaga ang pananampalataya sa Dios.

· Ipaliwanag kung paano mapauunlad ang pananampalataya.

SUSING TALATA:

At kung walang pananampalataya ay hindi maaaring maging kalugodlugod sa Kaniya; sapagka’t ang lumalapit sa Dios ay dapat sumampalatayang may Dios, at Siya ang tagapagbigay ganti sa mga sa Kaniya’y nagsisihanap. (Hebreo 11:6)

PAMBUNGAD

Ang pangalawa sa pundasyon na mga doktrina ay “pananampalataya sa Dios.” “ Ang pananampalataya sa Dios ay ang iyong palagay sa Dios. Ang ibang tao ay galit at nag-rerebelde sa Dios. Ang iba naman ay takot sa Kanya. Ang dapat mong ugali ay magkaroon ka ng pananampalataya sa Dios.

Ang pananampalataya at pagsisisi ay parehong kailangan sa pagbabalok-loob. Ang pagbaling sa Dios na walang pagtalikod sa kasalanan ay hindi tunay na pagsisisi. Ang pagnanais na tumalikod sa kasalanan ng walang pagbaling sa Dios ay magtatapos sa pagkabigo. Ang ministeryo ni Pablo sa mga hindi pa ligtas ay:

Na sinasaksihan ko sa mga Judio at gayon din sa mga Griego ang pagsisisi sa Dios, at ang pananampalataya sa ating Panginoong Jesucristo.

(Mga Gawa 20:21)

Ang pagsisisi at pananampalataya sa Dios ay parehong kailangan sa kaligtasan.

KAHULUGAN

Ang pananampalataya ay paniniwala at mayroong kasiguruhan. Ang ibig sabihin ng sumampalataya ay mayroong pagtitiwala. Iisa ang ibig sabihin ng mga salitang “pananampalataya, sumampalataya, at pagtitiwala” kapag ito ay ginagamit patungkol sa Dios. Binigyang kahulugan sa Biblia ang pananampalataya na:

…siyang kapanatagan sa mga bagay na hinihintay, ang katunayan ng mga bagay na hindi nakikita. (Hebreo 11:1)

Ang pananampalataya ay nagbibigay kasiguruhan na ang mga bagay na ipinangako sa hinaharap ay tutoo, at ang mga hindi nakikitang mga bagay ay tunay.

PAG-ASA:

Ang pananampalataya ay iba sa pag-asa. Ang pag-asa ay pagnanais o ugali na naghihintay patungkol sa mga bagay na hinaharap. Ang pananampalataya ay pagtitiwala sa isang bagay na hindi mo nakikita subalit may kasiguruhan ka na nasa iyo na. Ang pag-asa ay nasa isip. Ang pananampalataya ay nasa puso:

Datapuwa’t palibhasay mga anak tayo ng araw, mangagpigil tayo na isuot ang baluti ng pananampalataya…at ang maging turbante ay ang pagasa ng kaligtasan. (I Tesalonica 5:8)

Sa talatang ito ang pananampalataya ay inuugnay sa lugar ng puso ang baluti. Ang pag-asa ay turbante na inuugnay sa ulo.

Ang pag-asa ay pag-uugali ng isip na naghihintay sa panghinaharap. Ang pananampalataya ay kondisyon ng puso na nagbibigay ng paniniwala sa Dios:

Sapagka’t ang tao’y nanampalataya ng puso sa ikatutuwid…( Roma 10:10)

Hindi sapat na tanggapin ang Ebanghelyo sa isip. Ito ay hindi totoong pananampalataya na naka batay sa Biblia at hindi magbubunga ng pagbabago sa iyong buhay. Ang tunay na pananampalataya na naka batay sa Biblia ay paniniwala sa puso na palaging nagdudulot ng pagbabago sa iyong buhay. Ang resulta ay isang bagay na nararanasan sa kasalukuyan, at isang bagay na inaasahan sa hinaharap.

ISIP ANG NANGINGIBABAW SA LAHAT:

Ang pananampalata ay hindi katulad ng “mind over matter” na itinuturo ng ibang relihiyon. Itinuturo ng “mind over matter” na mapagtatagumpayan ng tao ang lahat ng suliranin sa tunay na mundo (mga bagay) sa pamamagitan ng kanyang isip, pangangatwiran, o “will power.” Ang katuruan na ito ay naka sentro sa tao. Umaasa sa sarili hindi sa Dios. Ang “mind over matter” ay hindi nakasalig sa Salita ng Dios. Ang pananampalataya ay naka sentro sa Dios. Ito ay kaloob ng Dios, hindi isang bagay na nanggagaling sa tao sa pamamagitan ng pagsisikap ng kanyang isip.

URI NG PANANAMPALATAYA

May iba’t ibang uri ng pananampalataya.

LIKAS NA PANANAMPALATAYA:

Ito ay likas na pagtitiwala sa isang bagay na napatunayan na matatag. Halimbawa, pananampalataya sa upuan kung saan ikaw ay maaalalayan nito. Ang pananampalataya na ito ay hindi “pananampalataya sa Dios.” Ito ay likas na pananampalataya sa isang bagay na nakapalibot sa iyo na natutunan mo sa pamamagitan ng karanasan. Ang mga sumusunod na uri ng pananampalataya ang ating sinasabi na “pananampalataya sa Dios”:

PAGBABANAL NA PANANAMPALATAYA:

Ako’y napako sa krus na kasama ni Cristo; at hindi na ako ang nabubuhay, kundi si Cristo ang nabubuhay sa akin: at ang buhay na ikinabubuhay ko ngayon sa laman ay ikinabubuhay ko sa pananampalataya, ang pananampalataya na ito’y sa Anak ng Dios, na sa akin ay umibig at ibinigay ang kaniyang sarili dahil sa akin. (Galacia 2:20)

Ang pagbabanal na pananampalataya ay nakakatulong sa mananampalataya upang makapamuhay ng banal pagkatapos ng pagbabagong buhay. Matututuhan mo pa ang ilang mga bagay tungkol sa pagbabanal sa huling kabanata ng pag-aaral na ito habang pinag-aaralan at tinatalakay ang patungo sa pagigingbanal.

Ang pagbabanal na pananampalataya na naniniwala na makapamumuhay ka nang banal ay kinakailangan sa pananampalataya sa Dios. Hindi mo ginagawa ito sa pamamagitan ng sariling lakas subalit sa kapangyarihan ng Dios na, nananahan sa iyo.

PANANGGALANG NA PANANAMPALATAYA:

Ang pananampalataya ay isang sandata na pananggalang sa iyong espirituwal na kaaway, si Satanas:

Bukod dito ay taglayin niyo ang kalasag ng pananampalataya na siyang ipapatay ninyo sa lahat ng nangagniningas na suligi ng masama. (Efeso 6:16)

Susubukan ka ni Satanas sa pamamagitan ng pagpapadala ng “sibat” ng kawalan ng pananampalataya sa iyong isip. Ang pagkakaroon ng pananampalataya sa Dios ay magbibigay ng depensang espirituwal sa mga ganitong atake.

NAGLILIGTAS NA PANANAMPALATAYA:

Yaman nga na mga inaaring ganap sa pananampalataya, mayroon tayong kapayapaan sa Dios sa pamamagitan ng ating Panginoong Jesucristo.

(Roma 5:1)

Ang nagliligtas na pananampalataya ay pananampalataya sa Dios kasama ang tunay na pagsisisi. Ang kaligtasan ay pagkaalam, paniniwala, at personal na pagtanggap sa mensahe ng Ebanghelyo. Kinakailangan ng nagliligtas na pananampalataya ang personal na pagtugon sa Dios. Walang sinoman ang makatutugon para sa iba. Ang bawa’t isa ay naligtas sa pamamagitan ng kanyang pagtugon sa Ebanghelyo.

Ang pananampalataya ay isang katotohanan. Ito ay kaloob ng Dios sa tao upang sila ay maligtas:

Sapagka’t sa biyaya kayo’y nangaligtas sa pamamagitan ng pananampalataya; at ito’y hindi sa inyong sarili, ito’y kaloob ng Dios… (Efeso 2:8)

Subalit ang pananampalataya ay isa ding pagsasagawa. Ang bawat tao ay dapat gumawa ayon sa pananampalataya na ibinigay sa kanya ng Dios. Ang pananampalataya sa Dios ang iyong tugon, ang iyong tugon sa pamamagitan ng pananampalataya sa Dios.

Matapos mong maranasan ang “ pananampalataya sa Dios” at maging mananampalataya, ang espirituwal na bunga ng pananampalataya at ang kaloob ng pananampalataya ay magpapalago sa iyong pananampalataya sa Dios. Ang kaloob at bunga ng pananampalataya ay tatalakayin ng detalye sa kursong “Ministeryo ng Banal na Espiritu” ng Harvestime International Institute.

ANG WALA SA LUGAR NA PANANAMPALATAYA

Ang doktrina na iyong pinag-aaralan ay “ pananampalataya sa Dios.” Hindi ito basta pananampalataya sa kabuuan, ito ay may direksiyon na pananampalataya. Maaari kang magkaroon ng walang direksiyon na pananampalataya. Ang walang direksiyon na pananampalataya ay maaaring…

NATURAL NA SANDATA:

Sapagkat hindi ako titiwala sa aking busog. Ni iligtas man ako ng aking tabak. (Mga Awit 44:6)

MAKAPANGYARIHANG TAO:

Huwag ninyong ilagak ang inyomg tiwala sa mga pangulo, Ni sa anak man ng tao, na walang pagsaklolo. (Mga Awit 146:3)

SA SARILI:

Siyang tumitiwala sa kaniyang sariling puso ay mangmang: Nguni’t ang lumakad na may kapantasan, ay maliligtas. (Mga Kawikaan 28:26)

DIYUS-DIYOSAN:

Sila’y mangapapaurong, sila’y mangapapahiyang mainam, na nagsisitiwala sa mga larawang inanyuaan, na nangagsasabi sa mga larawang binubo, Kayo’y aming mga dios. (Isaias 42:17)

BULAANG PROPETA:

Huwag kayong mangagsitiwala sa mga kabulaanang salita…Narito, kayo’y nagsisitiwala sa mga kabulaanang salita, na hindi mapapakinabangan. (Jeremias 7:4,8)

NATURAL NA KAPANGYARIHAN:

Ang iba ay tumitiwala sa mga karo at ang iba ay sa mga kabayo: Nguni’t babanggitin namin ang pangalan ng Panginoon naming Dios.

(Mga Awit 20:7)

KAYAMANAN:

Narito, ito ang tao na hindi ginawang kaniyang katibayan, ang Dios; Kundi tumiwala sa kasaganaan ng kanyang mga kayamanan, at nagpakalakas sa kaniyang kasamaan. (Mga Awit 52:7)

MGA KAIBIGAN:

Oo, ang aking kasamasamang kaibigan, na ang aking tiniwalaan, na kumain ng aking tinapay, nagtaas ng kaniyang sakong laban sa akin. (Mga Awit 41:9)

Ang pagkakaroon ng pananampalataya ay hindi sapat. Ang iyong pananampalataya ay maaring mawala sa lugar. Ang tunay na pananampalataya ay may direksiyon. Ito ay pananampalataya sa Dios.

ANG KAHALAGAHAN NG PANANAMAPALATAYA

Mayroong dalawang dahilan kung bakit kinakailangan ang pananampalataya sa Dios.

ITO AY KINAKAILANGAN SA KALIGTASAN:

Ang unang dahilan kung bakit importante ang pananampalataya sa Dios ay dahil hindi ka maliligtas kung wala ito:

Ang sumasampalataya at mabautismuhan ay maliligtas; datapuwa’t ang hindi sumasampalataya ay parurusahan. (Marcos 16:16)

Sapagkat sa biyaya kayo’y nangaligtas sa pamamagitan ng pananampalataya. (Efeso 2:8)

At ang sa mga tabi ng daan ay ang nangakinig; kung magkagayo’y dumarating ang diablo, at inalis ang salita sa kanilang puso, upang huwag silang magsisampalataya at mangaligtas. (Lucas 8:12)

HINDI MALULUGOD ANG DIOS SA IYO KUNG WALA KANG PANANAMPALATAYA:

Ang pangalawang dahilan kung bakit importante ang pananampalataya at dahil hindi malulugod ang Dios sa iyo kung wala ito.

At kung walang pananampalataya ay hindi maaring maging kalugodlugod sa Kaniya; sapagka’t ang lumalapit sa Dios ay dapat sumampalatayang may Dios, at siya ang tagapagbigay sa mga sa Kaniya’y nagsisihanap.

(Hebreo 11:6)

MGA ANTAS NG PANANAMPALATAYA

Inihahayag ng Biblia na mayroong iba’t ibang antas ng pananampalataya. Binanggit ni Jesus na may mga tao na hindi ginagamit ang kanilang pananampalataya at sila ay “ walang pananampalataya. ( Mateo 17:17). Binanggit niya ang mga mahihina ang pananampalataya.

( Mateo 6:30; 8:26; 14:31; Lucas 12:28) at ang mga dakila ang pananampalataya (Mateo 8:10; 15:28; Lucas 7:9).

Itinuturo ng Biblia na ang bawat tao ay mayroong kanikaniyang sukat ng pananampalataya na ibinigay sa kanya ng Dios bilang kaloob:

…ayon sa kasukatan ng pananampalataya na ibinahagi ng Dios sa bawat isa. (Roma 12:3b)

Ang bawat mananampalataya ay may pananampalataya dahil sa pamamagitan ng pananampalataya kaya ka naligtas.

Sapagka’t sa biyaya kayo’y nangaligtas sa pamamagitan ng pananampalataya… (Efeso 2:8)

PAANO MAPALALAGO ANG PANANAMAPALATAYA

Ang pagbabanal na pananamapalataya ay magkapagdudulot sa iyo na makapamuhay ng banal. Ang malagong pananampalataya ay makatutulong sa iyo na magpatuloy sa pagiging ganap. Ang pananggalang na pananampalataya ay pansalag sa mga atake ng kaaway, si Satanas. Kung mapapalago mo ang iyong pananampalataya iyong mapapalago ang espirituwal na depensa. Sinasabi ng Biblia kung paano mapalalago ang pananampalataya:

Kaya nga ang paniniwala’y nanggagaling sa pakikinig, at ang pakikinig ay sa pamamagitan ng Salita ni Cristo. (Roma 10:17)

Lalago ang iyong pananampalataya sa pakikinig ng Salita ng Dios. Dapat mo munang marinig ang Salita ng Dios para magsisi sa kasalanan at tanggapin si Jesus bilang Tagapagligtas. Ang nakapagliligtas na pananampalataya ay galing sa pakikinig ng Salita ng Dios.

Matapos kang maligtas, ang pagtuturo ng Biblia at pangangaral ay makakatulong upang lumago ang iyong pananampalataya. Mas marami kang naririnig na Salita ng Dios, mas lalago ang iyong pananampalataya. Mas lumalago ang pananampalataya, mas madali na makapamuhay ng banal at sumangga sa espirituwal na atake ng kaaway.

Ang maliit na pananampalataya ay napaka makapangyarihan:

At sinabi niya sa kanila…sapagka’t katotohanang sinasabi ko sa inyo, Kung magkaroon kayo ng pananampalataya na kasinlaki ng butil ng binhi ng mostasa, ay masasabi ninyo sa bundok na ito, lumipat ka mula rito hanggang doon; at ito’y lilipat; at sa inyo’y hindi may pangyayari. (Mateo 17:20)

Walang imposible kahit maliit ang iyong pananampalataya.

PANANAMPALATAYA AT MGA GAWA

Ang pananampalataya ay kaloob ng Dios. Hindi ito lalago sa paggawa. Ang ibig sabihin ng pananampalataya ay “ ang iyong pinaniniwalaan.”. Ang ibig sabihin ng paggawa ay “ ang iyong ginawa.” Itinuturo ng Biblia:

Sapagka’t sa biyaya kayo’y nangaligtas sa pamamagitan ng pananampalataya at ito’y hindi sa inyong sarili, ito’y kaloob ng Dios.

Hindi sa pamamagitan ng mga gawa, upang ang sinoman ay huwag magmapuri (Efeso 2:8-9)

Ang pananampalataya ay kaloob ng Dios upang ang sinoman ay maniwala. Hindi ibig sabihin nito na ang mga gawa (ang iyong ginagawa) ay hindi mahalaga. Pananampalataya muna, bilang kaloob ng Dios. Ang mga gawa (ang iyong mga ginagawa) ay pagsusulit kung ang iyong pananampalataya ay totoo o hindi. Isinulat ni Santiago:

Anong pakikinabangin, mga kapatid ko, kung sinasabi ng sinoman na siya’y may pananampalataya ngunit walang mga gawa? Makapagliligtas baga sa kaniya ang pananampalatayang iyan?

Kung ang isang kapatid na lalake o babae ay hubad at walang kakanin araw-araw,

At ang isa sa inyo ay magsabi sa kanila, Magsiyaon kayong payapa, Kayo’y mangagpainit at mangagpakabusog; at gayo’y may hindi ninyo ibinibigay sa kanila ang mga bagay na kinakailangan ng katawan; anong mapapakinabang dito?

Gayon din naman ang pananampalataya na walang mga gawa, ay patay sa kanyang sarili.

Oo, sasabihin ng isang tao, Ikaw ay mayroong pananampalataya, at ako’y mayroong mga gawa: ipakita mo sa akin ang inyong pananampalatayang hiwalay sa mga gawa, at ako sa pamamagitan ng aking mga gawa ay ipakita sa iyo ang aking pananampalataya.

(Santiago 2:14-18)

Ang iyong mga gawa… kung paano ka mamuhay at tumugon sa mga pangangalilangan ng iba sa iyong paligid… ay mga pagsubok ng katotohanan ng iyong pananampalataya.

Sa kabuuan ipinakita ni Santiago ang kaugnayan ng pananampalataya at gawa sa pammagitan ng halimbawa ng relasyon ng katawan ng tao at espiritu. Itinuturo ng Biblia na kapag namatay ang tao, ang kanyang espiritu ay humihiwalay sa kanyang katawan. Sinabi ni Santiago na…

…kung paanong ang katawan na walang espiritu ay patay, ay gayon din ang pananampalataya na walang mga gawa ay patay. (Santiago 2:26)

Makikita sa iyong mga gawa ang pananampalataya na nasa iyo.

Ang ganap ay mabubuhay sa pananampalataya. (Galacia 3:11)

ANG HALIMBAWA NG PANANAMPALATAYA

Nakalista sa Hebreo 11 ang mga pangalan ng maraming tao na naging dakilang halimbawa ng pananampalataya. Subalit mayroong isang lalaki sa Biblia na tinawag na “ ang ama ng lahat ng sumampalataya” ( Roma 4:11). Ang kanyang pangalan ay Abraham.

Ang mga Kristiyano ay ang mga lumakad sa nilakaran ng tapat na si Abraham ( Roma 4:12) at tinawag na anak ni Abraham ( Galacia 3:7). Dahil sa kanayang pananampalataya sa Dios, siya ay inaring ganap:

At natupad ang kasulatan na nagsasabi, At si Abraham ay sumampalataya sa Dios, at yao’y ibinilang na katuwiran sa kanya. (Santiago 2:23)

Nang inilarawan ni Pablo ang pananampalataya sa Dios, ginamit niya ang halimbawa ni Abraham:

Ngayo’y hindi lamang dahil sa kaniya isinulat, na sa kaniya’y ibinilang;

Kundi dahil din naman sa atin, na ibibilang sa ating mga nag- sisisampalataya sa kaniya na bumuhay na maguli sa mga patay, kay Jesus na ating Panginoon

Na ibinigay dahil sa ating mga kasuwayan, at binuhay na maguli sa ikaaaring ganap natin. (Roma 4:23-25)

Sinabi ni Pablo na ang pananampalataya ni Abraham na nagdulot na ikinaaring ganap ay hindi lang para sa kanyang sarili. Ito ay natala, para sa atin na sumampalataya sa mensahe ng Ebanghelyo ay maari din na ariing ganap.

Ang mga dahilan kung bakit isang halimbawa ang pananampalataya ni Abraham ay ang mga sumusunod:

NARINIG NIYA ANG SALITA:

Pinakinggan ni Abraham ang mga pangako ng Dios:

Sapagka’t hindi sa pamamagitan ng kautusan ginawa ang pangako kay Abraham o sa kaniyang binhi na siyang magmamana ng sanglibutan, kundi sa pamamagitan ng katuwiran ng pananampalataya.

At lubos na nananalig na ang Dios na nangako ay may Kapangyarihang makagawa noon. (Roma 4:13,21)

SUMAMPALATAYA SIYA SA SALITA:

Hindi lang niya narinig ang mga pangako ng Dios, sumampalataya siya.

Siya na sumampalataya na nasa pagasa laban sa pagasa, upang maging ama ng maraming bansa ayon sa sabi, magiging gayon ang iyong binhi.

(Roma 4:18)

Na hindi ninyo nakita ay inyong inibig; na bagama’t ngayon ay hindi ninyo siya nakikita, gayon ma’y inyong sinasampalatayanan, na kayo’y nangagagalak na totoo na may galak na di masayod at puspos ng kaluwalhatian:

Na inyong tinatanggap ang layunin ng inyong pananampalataya, ang pagkaligtas ng inyong mga kaluluwa. (I Pedro 1:8-9)

TUMALIKOD SIYA MULA SA WALANG PAG-ASANG KALAGAYAN:

Ang resulta ng pagkarinig ng Salita ng Dios kay Abraham ay ang binagong buhay.

Siya na sumampalataya na nasa pagasa laban sa pagasa, upang maging ama ng maraming mga bansa ayon sa sabi, magiging gayon ang iyong binhi.

At hindi humina sa pananampalataya na ipinalagay man ang kaniyang katawang tulad sa patay na (gayon siya’y may mga isandaang taon na), at ang pagkabaog ng bahay bata ni Sara; (Roma 4:18-19)

Kung paanong ang lalaki at babae ay nawala sa kasalanan, si Abraham ay naharap sa walang pag-asang kalagayan sa natural na mundo. Ang pangako na magiging ama ng maraming nasyon ay maari lamang mangyari sa pamamagitan ng Dios dahil si Abraham at Sarah ay lampas na edad ng pagkakaroon ng mga anak.

Ang kaligtasan ay sa pamamagitan lamang ni Jesu-Cristo. Walang ibang daan upang matanggap mo ang pangako maliban sa pananampalataya sa plano ng Dios ng kaligtasan:

Na si Cristo ay manahan sa inyong mga puso sa pamamagitan ng pananampalataya; (Efeso 3:17)

TINANGGAP NIYA ANG PANGAKO BILANG KATOTOHANAN:

Kundi sa pagtingin niya sa pangako ng Dios, ay hindi nagalinlangan sa pamamagitan ng di pananampalataya, kundi lumakas ng lumakas sa pamamagitan ng pananampalataya, na niluluwalhati ang Dios. (Roma 4:20)

Ito ay pananampalataya sa Dios.

ISANG HALIMBAWA PARA SA ATIN

Ang pananampalataya sa Dios ay pinatunayan ni Abraham bilang halimbawa para ating sundin: Kailangan mong:

- Pakinggan ang Salita ng Dios.

- Paniwalaan ang Salita ng Dios.

- Tumalikod mula sa iyong walang pag-asang katayuan (nabago sa pamamagitan ng pagsisisi sa mga patay na mga gawa).

-Tanggapin ang mga pangako ng Dios bilang katotohanan. Ang kanyang pangako ay inaring ganap ka, sa pamamagitan ng pagsisisi at pananampalataya sa Dios sa pamamagitan ni Jesus.

PANSARILING PAG-SUSULIT

1. Ibigay ang kahulugan ng “pananampalataya”

__________________________________________________________________________

2. Ibigay ang kahulugan ng mga sumusunod na uri ng pananampalataya:

Natural na pananampalataya:

__________________________________________________________________________

Pagbabanal na pananampalataya:

__________________________________________________________________________

Pananggalang na pananampalataya:

__________________________________________________________________________

3. Magbigay ng dalawang pangunahing dahilan kung bakit ang pananmapalataya sa Dios ay kinakailangan.

______________________________ _____________________________

4. Paano mo mapapalago ang iyong pananampalataya sa Dios?

__________________________________________________________________________

5. Isulat ang Susing Talata mula sa memorya.

__________________________________________________________________________
__________________________________________________________________________

6. Isulat ang apat na dahilan kung bakit si Abraham ay magandang halimbawa ng pananampalataya.

________________________________________________________________________________________________________________________________________________________________________________________________________________________________________________________________________________________________________

7. Ano ang pagkakaiba ng pananampalataya sa pag-asa?

__________________________________________________________________________ __________________________________________________________________________

8. Ano ang pagkakaiba ng pananampalataya sa “mind over matter”?

____________________________________________________________________________________________________________________________________________________

9. Ano ang pagkakaiba ng pananampalataya at gawa?

___________________________________________________________________________

10. Ano ang ibig sabihin ng “pananampalataya sa Dios”?

___________________________________________________________________________ ___________________________________________________________________________

(Ang sagot sa pagsusulit ay nakatala sa pagtatapos ng huling kabanata ng manwal na ito.)

PARA SA DAGDAG NA PAG-AARAL

Ang “Pagtitiwala” ay isang salita na katumbas ng pananampalataya. Sumulat si David sa aklat ng Mga Awit ng maraming bagay patungkol sa pagtitiwala. Gamitin ang sumsusunod na mga leksyon upang magpatuloy sa pag-aaral tungkol sa pananampalataya sa Dios, na tinawag ni David na “pagtitiwala.”

PANANAMPALATAYANG WALA SA LUGAR

Pag-aralan ang mga sumusunod na reperensya. Isulat sa hanay na inilaan kung ano ang sinasabi ni David na HINDI dapat pagtiwalaan:

Reperensya Huwag Pagtiwalaan…

Mga Awit 20: 7 _________________________________________

Mga Awit 41: 9 _________________________________________

Mga Awit 44: 6 _________________________________________

Mga Awit 49: 6 _________________________________________

Mga Awit 52: 7 _________________________________________

Mga Awit 115: 8 _________________________________________

Mga Awit 118: 8-9 _________________________________________

Mga Awit 135: 17-18 _________________________________________

Mga Awit 146: 3 _________________________________________

TAMANG PAGTIWALAAN

Sa buong aklat ng Mga awit, nanghihikayat si David na magtiwala sa Dios. Kanya ring hinihikayat na magtiwala sa mga bagay na may kaugnayan sa Dios. Pag-aralan ang mga sumusunod na reperensya. Sa pangalawang hanay gumawa ng talaan ng mga sinabi ni David na pagtitiwalaan niya.

Reperensya Magtiwala sa …

Mga Awit 33:21 _________________________________________

Mga Awit 36:7 _________________________________________

Mga Awit 13:5 _________________________________________

Mga Awit 52: 8 _________________________________________

Mga Awit 57: 1 _________________________________________

Mga Awit 61: 4

Mga Awit 78: 22

Mga Awit 91: 4

Mga Awit 119: 42

Kailan Magtitiwala…

Mga Awit 56: 3

Mga Benepisyo ng Nagtitiwala

Maraming isinulat si David na mga benepisyo ng pagtitiwala o ng mayroong pananampalataya sa Dios. Pag-aralan ang mga sumusunod na reperensya. Sa hanay na inilaan itala ang mga benepisyo ng nagtitiwala sa Dios:

Reperensya Mga Benepisyo ng Nagtitiwala sa Dios…

Mga Awit 25: 2

Mga Awit 25: 20

Reperensya Mga Benepisyo ng Nagtitiwala sa Dios…

Mga Awit 26: 1

Mga Awit 28: 7

Mga Awit 31 :1

Mga Awit 31: 6

Mga Awit 31: 19

Mga Awit 32: 10

Mga Awit 33: 21

Mga Awit 34: 8

Mga Awit 34: 22

Mga Awit 37: 5

Mga Awit 37: 40

Mga Awit 40: 3

Mga Awit 2: 12

Mga Awit 5: 11

Mga Awit 7: 1 _

Mga Awit 9:10 ______________________________________________

Mga Awit 16:1 ______________________________________________

Mga Awit 17:7 ______________________________________________

Mga Awit 21:7 ______________________________________________

Mga Awit 22:4 ______________________________________________

Mga Awit 22:5 ______________________________________________

Mga Awit 22:8 ______________________________________________

Reperensya Mga Benepisyo ng Nagtitiwala sa Dios…

Mga Awit 40:4 ______________________________________________

Mga Awit 56:4 ______________________________________________

Mga Awit 56:11 ___________________________________________

Mga Awit 57:1 ___________________________________________

Mga Awit 64:10 ___________________________________________

Mga Awit 71:1 ___________________________________________

Mga Awit 73:28 ___________________________________________

Mga Awit 84:12 ___________________________________________

Mga Awit 86:2 ___________________________________________

Mga Awit 112:7 ___________________________________________

Mga Awit 119:42 ___________________________________________

Mga Awit 125:1 ___________________________________________

Mga Awit 141:8 ___________________________________________

Mga Awit 143:8 ___________________________________________

Mga Awit 144:2 ___________________________________________

MGA RESULTA NG HINDI PAGTITIWALA SA DIOS

Itinuro ni David ang resulta ng hindi pagtitiwala sa Dios:

Reperensya Resulta ng Hindi Pagtitiwala sa Dios

Mga Awit 32:10 _________________________________________

Mga Awit 55:23 ___________________________________________

Mga Awit 78:21-22 ___________________________________________

ANG KASAYSAYAN NG PAGTITIWALA NI DAVID

Sinabi ni David kung gaano siya katagal nagtiwala sa Dios:

Mga Awit 71:5 Simula ng aking “___________________”

KARAGDAGANG REPERENSYA

Ang mga sumusunod na talata ay karagdagang reperensya kung saan si David ay nagtiwala sa Dios. Pag-aralan ang mga reperensya. Sa iyong salita, isulat sa maikling pananalita ang bawat talata sa hanay na inilaan.

Reperensya Kabuuran

Mga Awit 31:4 _________________________________________________

Mga Awit 4:5 _________________________________________________

Mga Awit 11:1 _________________________________________________

IKA-LIMANG KABANATA

DOKTRINA NG BAUTISMO: I BAHAGI

MGA LAYUNIN:

Pagkatapos ng pag-aaral ng kabanatang ito ikaw ay may kakayahang:

· Isulat ang Susing Talata mula sa memorya.

· Kilalanin ang apat na bautismo na nabanggit sa Bagong Tipan.

· Bigyang kahulugan ang salitang “binyag”.

· Ipaliwanag ang kahalagahan ng bautismo ng Kristiyano.

· Ilista nag mga kinakailangan ng mga nagnanais ng Kristiyanong bautismo.

SUSING TALATA:

Sa katotohannan ay binabautismuhan ko kayo sa tubig sa pagsisisi: datapuwa’t ang dumarating sa hulihan ko ay lalong makapangyarihan kay sa akin, na hindi ako karapatdapat magdala ng kaniyang pangyapak: Siya ang sa inyo’y magbabautismo sa Espiritu Santo at apoy. (Mateo 3:11)

PANIMULA

Ang pangatlong pundasyon na prinsipyong nakasulat sa Hebreo kabanata 6 ay ang doktrina ng bautismo.

Sa Hebreo 6:2 ang salitang “ bautismo” ay pangmaramihan. Ito “ang doktrina ng mga bautismo”

(pangmaramihan), hindi “ doktrina ng bautismo” ( pang-isahan). Ang ibig sabihin nito ang buong doktrina ng Kristiyanong pananampalataya ay sumasaklaw sa higit sa isang bautismo.

APAT NA BAUTISMO

Binanggit ng Bagong Tipan ang apat na bautismo. Ito ay ang mga:

- Bautismo ng pagdurusa ni Cristo

- Ang bautismo ni Juan

- Kristiyanong Bautismo

- Bautismo ng Banal na Espiritu

Tinalakay sa kabanatang ito ang unang tatlong bautismo. Ang susunod na kabanata ay may kinalaman sa Bautismo ng Banal na Espiritu.

KAHULUGAN

Ang salitang “pagbabautismo” na ginamit sa Biblia ay nangangahulugan ng maglubog o palubugin sa isang bagay.

BAUTISMO NG PAGDURUSA NI CRISTO

Mayroong isang bautismo sa Bagong Tipan na tinatawag na bautismo ng pagdurusa. Ang bautismong ito ay ipinihayag ni Jesus:

Datapuwa’t ako’y may isang bautismo upang ibautismo sa akin; at gaano ang aking kagipitan hanggang sa ito’y maganap? (Lucas 12:50)

Ang bautismong ito ay nabanggit din sa Mark 10: 38 kung saan ang mga anak ni Zebedee ay humiling na kung maari silang maupo sa kaliwa at kanang bahagi ni Cristo sa langit. Tumugon si Jesus: “Hindi ninyo nalalaman ang inyong hinihingi: Mangakaiinom baga kayo sa sarong aking iinuman? O mangababautismuhan sa bautismo na ibinautismo sa akin ay babautismuhan kayo?” Tinutukoy ni Jesus ang pagdurusa na naghihintay sa Kanya sa pamamagitan ng Kanyang kamatayan para sa kasalanan ng sangkatauhan. Kinakailangan na siya ay mailubog sa pagdurusa, mailibing sa puntod, at muling mabuhay sa bagong katawan.

ANG BAUTISMO NI JUAN

Ang bautismo ni Juan Bautista ay bautismo sa tubig na may kaugnayan sa mensahe ng pagsisisi. Si Juan Bautista ay mahimalang ipinanganak kay Zacharias at Elizabeth ( Luke 1). Ang Dios ay may espesyal na plano sa kanyang buhay. Siya ang maglilingkod bilang “ tagapagbalita “ ni Jesu Cristo:

Oo at ikaw, sanggol, tatawagin kang propeta ng kataastaasan; sapagka’t magpapauna ka sa unahan ng mukha ng Panginoon upang ihanda ang kaniyang mga daan;

Upang maipakilala ang kaligtasan sa kaniyang bayan, sa pagkapatawad ng kanilang mga kasalanan. (Lucas 1:76-77)

Ang ibig sabihin ng salitang “tagapagbalita” ay isang tao na nagpapauna at naghahanda ng daan. Si Juan ay nagpahayag ng mensahe ng pagsisisi at bautismo sa Israel upang ihanda sila sa pagdating ng kanilang Mesias, si Jesu Cristo:

Sa katotohannan ay binabautismuhan ko kayo sa tubig sa pagsisisi: datapuwa’t ang dumarating sa hulihan ko ay lalong makapangyarihan kay sa akin…siya ang sa inyo’y magbabautismo sa Espiritu Santo at apoy.

(Mateo 3:11)

Ang ministeryo ni Juan Bautista ay pasimula ng bagong espirituwal na antas:

Ang kautusan at ang mga propeta ay nanatili hanggang kay Juan: mula noo’y ang evangelio ng Kaharian ng Dios ay ipinangangaral, at ang bawa’t tao ay pumapasok doon na nagpipilit. (Lucas !6:16)

Bago ang panahon ni Juan ang mga tao ay nasa ilalim ng batas. Ang mga Propeta at Saserdote ang naglilingkod bilang espirituwal na tagapanguna at nagpapaliwanag ng batas. Ang saserdote lang ang daan sa presensya ng Dios sa templo. Sila ang naglilingkod bilang tagapamagitan sa pagitan ng tao at Dios at naghahandog ng hain para sa kasalanan kung paano ito iniutos ng Dios. Ang lahat ng ito ay nabago sa pagparito ni Jesu Cristo. Sa pamamagitan ng Kanyang buhay, kamatayan at muling pagkabuhay. Naging posible na makalapit ang tao sa Dios sa pamamagitan ni Jesus. Ngayon si Jesus ay naglilingkod bilang tagapamagitan ng makasalanaan tao at sa makatuwirang Dios.

May dalawang kahilingan si Juan sa mga tao: Pagsisisi at publikong pag-amin ng mga kasalanan. Ang mga nagnanais na maabot ang ibinigay ng Dios na kahilingan ay binautismuhan sa ilog Jordan bilang publikong pagpapatotoo. Ito ay panglabas na tanda na sila ay nagsisi sa kanilang mga kasalanan.

Nang ang ibang nangunguna sa relihiyon ay lumapit kay Juan upang magpabautismo, siya ay tumanggi na gawin ito. Hiniling niya na dapat magpakita sila ng ebidensya na tunay na nabago ang kanilang mga buhay bago sila mabautismuhan:

Datapuwa’t nang makita niyang marami sa mga Fariseo at Saduceo na nagsisiparoon sa kaniyang pagbabautismo, ay sinabi niya sa kanila, kayong lahi ng mga ulupong, sino ang sa inyo’y nagpaunawa upang magsitakas sa galit na darating?

Kayo nga’y mangagbunga ng karapatdapat sa pagsisisi. (Mateo 3:7-8)

Ang pagsisisi at pagpapatawad ng kasalanan ay kinakailangan bago magbautismo si Juan. Ang mga salitang “bautismo ng pagsisisi at pagpapatawad sa mga kasalanan” ay hindi nangangahulugan na ang dalawang karanasang ito ay pinanunundan ng mabautismuhan sa tubig. Ang bautismo ay katunayan na nakikita na ang mga binabautismuhan ay nakaranas na ng pagsisi at kapatawaran.

KRISTIYANONG BAUTISMO

Ang pinakamabuting talata upang magpakita ng tinatawag nating “ Kristiyanong Bautismo “ ay inilarawan ng Bautismo ni Jesus:

Nang magkagayo’y naparoon si Jesus mula sa Galilea at lumapit kay Juan sa ilog ng Jordan, upang siya’y bautismuhan niya.

Datapuwat ibig siyang sansalain ni Juan, na nagsasabi, kinakailangan ko na ako’y Iyong bautismohan, at ikaw ang napaparito sa akin?

Ngunit pagsagot ni Jesus ay sinabi sa kaniya, Payagan mo ngayon: sapagka’t ganyan ang nararapat sa atin, ang pagganap ng buong katuwiran. Nang magkagayo’y pinayagan niya Siya.

At nang mabautismuhan si Jesus, pagdaka’y umahon sa tubig: at narito, nangagbukasan sa kaniya ang mga langit, at nakita niya ang Espiritu ng Dios na bumababang tulad sa isang kalapati, at lumapag sa Kaniya;

At narito, ang isang tinig na mula sa mga langit, na nagsasabi ito ang sinisinta Kong Anak, na siya Kong lubos na kinalulugdan. (Mateo 3:13-17)

Si Jesus ay hindi binautismuhan ni Juan bilang ebidensya na Siya ay nagsisi sa kaniyang kasalanan dahil wala siyang kasalanan kung saan siya magsisisi. Si Jesus ay nabautismuhan

“ upang makumpleto ang lahat ng katuwiran.”. Siya ay nagbibigay ng makatuwirang halimbawa ng asal na nais Niya na panundan ng lahat ng mananampalataya.

BAUTISMO NG MGA BATA

Si Jesus ay hindi nabautismuhan na isang sanggol. Nang siya ay sanggol dinala Siya ng kanyang mga magulang sa Jerusalem upang ihandog sa Panginoon, at hindi siya binautismuhan ( Luke 2:22). Si Jesus ay hindi binautismuhan hanggat alam Niya ang kanyang ginagawa at ang dahilan kung bakit Niya ito ginagawa.

Hindi dapat bautismuhan ang mga bata. Maaari na ang mga bata ay ihandog sa Panginoon para italaga at pagpalain sa pamamagitan ng pagpatong ng mga kamay. Subalit hindi sila dapat bautismuhan hanggat hindi nila nauunawaan ang ibig sabihin at hindi pa naaabot ang hinihiling ng Biblia. Walang edad na tinutukoy kung kailan ito mauunawaan. Depende ito sa isip at espirituwal na pag-unlad ng bawat bata.

PAGWIWISIK O PAGLUBOG?

Ang ibang iglesya ay nagbabautismo sa pamamagitan ng pagwiwisik ng tubig. Ang iba ay paglubog sa tubig. Nang Si Jesus ay binautismuhan Siya ay lumubog at lumabas mula sa tubig. Kung isasaalaalang natin ito at ang ibig sabihin ng salitang “bautismo” sa Biblia, ating ipapasya na Siya ay inilubog sa tubig ng Jordan.

Sa pagpahintulot sa kanyang sarili upang bautismuhan, ipinakita ni Jesus ang panglabas na pagsunod sa kalooban ng Dios. Sa pamamagitan ng pagsunod, kanyang tinupad ang plano ng Dios. Sa oras na ang mananampalataya ay nabautismuhan, ang panglabas na gawang ito ay sumasagisag ng panloob na katuwiran na kanilang tinanggap na may pananampalataya.

MGA KINAKAILANGAN SA BAUTISMO

May mga espirituwal na kondisyon na dapat gawin para sa mga nagnanais ng bautismo ni Juan. Mayroon ding kinakailangan na dapat gawin para sa mga nagnanais ng Kristiyanong Bautismo.

KAUTUSAN:

Ang unang kinakailangan para sa bautismo ay ibinigay ni Jesus:

Dahil dito magsiyaon nga kayo, at gawin ninyog mga alagad ang lahat ng mga bansa, na sila’y inyong bautismuhan sa pangalan ng Ama at ng Anak at ng Espiritu Santo:

Na ituro ninyo sa kanila na kanilang ganapin ang lahat ng mga bagay na iniutos ko sa inyo… (Mateo 28:19-20)

Dalawang beses iniutos ni Cristo na turuan ang bagong mananampalataya. Dapat silang maturuan bago at pagkatapos ng bautismo. Ang makasalanan ay dapat munang makarinig at tumanggap ng Mabuting Balita upang maging tunay na mananampalataya:

Yaon ngang nagsitanggap ng kaniyang salita ay nangabautismuhan.

(Mga Gawa 2:41)

At nang kanilang marinig ito, ay nangapabautismo sila… (Mga Gawa 19:5)

At isang babaeng nagngangalang Lydia…ang umunawa sa mga bagay na sinalita ni Pablo…at siya’y nabautismuhan. (Mga Gawa 16:14-15)

Bago mabautismuhan ang mga mananampalataya, dapat makatanggap ng sapat na katuruan upang maunawaan ang kahulugan nito. Pagkatapos ng bautismo, dapat silang magpatuloy na tumanggap ng turo upang maging matatag na Kristiyano. Tinawag ito ni Pablo na “ at tayo’t mangagpatuloy sa kasakdalan” ( Hebreo 6).

PAGSISISI:

Ang pangalawang kondisyon para sa bautismo ay pagsisisi mula sa kasalanan. Binigyan diin ito ni Pedro sa kanyang sermon sa araw ng Pentecost:

Nang marinig nga nila ito, ay nangasaktan ang kanilang puso, at sinabi kay Pedro at sa ibang mga apostol, Mga kapatid, anong gagawin namin?

(Mga Gawa 2:37)

At sinabi sa kanila ni Pedro, mangagsisi kayo, at mangabautismo ang bawa’t isa sa inyo sa pangalan ni Jesucristo sa ikapagpapatawad ng inyong mga kasalanan; at tatanggapin ninyo ang kaloob ng Espiritu Santo.

(Mga Gawa 2:38)

Pansinin na ang kombiksyon sa mga kasalanan ay hindi sapat. Dapat umaksiyon. Ang dalawang utos na ibinigay ni Pedro ay mangagsisi at mangabautismo. Pagsisisi bago magbautismo.

PANINIWALA:

Ang pangatlong kondisyon para sa bautismo ay paniniwala (pananampalataya) :

At sinabi Niya sa kanila, magsiyaon kayo sa boong sanlibutan, at inyong ipangaral ang evangelio sa lahat ng kinapal.

Ang sumampalataya at mabautismuhan ay maliligtas; datapuwa’t ang hindi sumasampalataya ay parurusahan. (Marcos 16:15-16)

Ang kinakailangan na paniniwalang ito ay ipinakita sa istorya ni Felipe at ng bating na natagpuan ni Felipe sa daan tungo sa Jerusalem tungo sa Gaza ( Mga Gawa 8). Narinig ni Felipe ang taga Etiopia na nagbabasa mula sa aklat ni Isaias. Sinamahan niya ito sa sasakyan at ipinaliwanag ang Mabuting Balita. Sa patuloy nilang paglalakbay nadaan sila sa tubig. Sa kahilingan ng bating at pagpapahayag ng kanyang kasalanan, binautismuhan siya ni Felipe:

At sa pagpapatuloy sa daan, ay nagsidating sila sa dakong may tubig; at sinabi ng bating, Narito ang tubig ano ang nakahahadlang upang ako’y mabautismuhan?

At ipinagutos niyang itigil ang karo: at sila’y kapuwa lumusong sa tubig, si Felipe at ang bating, at kaniyang binautismuhan siya. (Mga Gawa 8:36-38)

Sinabi ni Felipe sa bating : “ Kung ikaw ay mananampalataya ng buong puso, maaari kang bautismuhan.” Tumugon ang bating: “ Naniniwala ako na si Jesu Cristo ay Anak ng Dios.” Ang tao na nagnanais ng Kristiyanong Bautismo ay dapat munang magpahayag ng pananampalataya kay Jesu Cristo bilang Anak ng Dios.

ANG MABUTING BUDHI SA HARAP NG DIOS:

Ang pang-apat na kondisyon sa Kristiyanong Bautismo ay isang mabuting budhi sa harap ng Dios. Ikinumpara ni Pedro ang Kristiyanong Bautismo sa tubig sa karanasan ni Noe at ng kanyang pamilya na naligtas mula sa paghuhukom sa kanilang pagpasok sa arko.

Na ayon sa tunay na kahawig ngayo’y nagligtas sa makatuwid baga’y ang bautismo, hindi sa pagaalis ng karumihan ng laman, kundi sa paghiling ng isang mabuting budhi sa Dios, sa pamamagitan ng pagkabuhay na maguli ni Jesucristo. (I Pedro 3:21)

Hindi sinasangayunan ni Pedro na ang layunin ng bautismo ay pisikal na paglilinis ng katawan. Sinabi niya na ang Kristiyanong bautismo ay pangloob na relasyon ng puso ng mananampalataya tungo sa Dios.. Tinawag niya itong “ mabuting budhi sa harap ng Dios.”

ANG ORAS NG BAUTISMO

Para maging karapatdapat sa bautismo sa tubig ang isang tao ay dapat tumanggap ng tamang katuruan, magsisi, manampalataya at mayroong mabuting budhi sa harap ng Dios. Ang haba ng panahon upang makamit ang kinakailangang ito ay magkakaiba depende sa tao.

Sa ibang iglesya, kinakailangan na ang nagnanais ng bautismo ay magkaroon ng mahabang panahon ng pagtuturo, inaabot ng linggo o buwan. Subalit sinasabi sa Biblia sa araw ng Pentecostes tatlong libo ang nabautismuhan. Ilang oras bago, sila ay hindi mananampalataya na tumanggi kay Jesus bilang Mesias ng Israel o Anak ng Dios. Mula sa katapusan ng sermon ni Pedro at sa kanilang bautismo, ang kinakailangan na oras upang magbigay ng kinakailangan na katuruan ay hindi sosobra sa mga ilang oras:

Yaon ngang nagsitanggap ng kaniyang salita ay nangabautismuhan: at nangaparagdag sa kanila ng araw na yaon ang may tatlong libong kaluluwa. (Mga Gawa 2:41)

Binautismuhan ni Pedro ang bating sa parehong araw na ipinahayag niya ang Mabuting Balita sa kanya.

BILANG BUOD…

Ang ginagawa ng unang iglesya kaugnay sa bautismo ay ang mga sumusunod:

1. Bago ang bautismo kanilang tinuturuan ng pangunahing katotohanan tungkol sa Mabuting Balita na nakasentro sa buhay, kamatayan at muling pagkabuhay ni Jesus.

2. Kanilang iniuugnay ang mga katotohanang ito sa gawa ng bautismo.

3. Kanilang sinisiyasat kung naunawaan, nagsisi, at ipinahayag ang pananampalataya ng bagong mananampalataya, pagkatapos nito kasunod kaagad ang bautismo sa tubig.

4. Pagkatapos ng bautismo ang bagong mananampalataya ay makatatanggap ng katuruan para sa espirituwal na paglago.

KAHALAGAHAN NG KRISTIYANONG BAUTISMO

Ipinahayag ng mga sumusunod na talata ang kahalagahan ng Kristiyanong bautismo:

Ano nga ang ating sasabihin? Magpapatuloy baga tayo sa pagkakasala upang ang biyaya ay makapanagana? Huwag nawang mangyari. Tayong mga patay sa pagkakasala, paano nga tayong mabubuhay pa riyan?

O hindi baga ninyo nalalaman na tayong lahat na mga nabautismuhan kay Cristo Jesus ay nangabautismuhan sa kaniyang kamatayan?

Tayo nga’y nangalibing ng kalakip niya sa pamamagitan ng bautismo sa kamatayan: na kung paanong si Cristo ay nabuhay na maguli sa mga patay sa pamamagitan ng kaluwalhatian ng Ama, ay gayon din naman tayo’y makalalakad sa panibagong buhay. (Roma 6:1-4)

Kapag ikaw ay nagsisi at tumanggap Kay Jesu Cristo bilang Tagapagligtas, ang kamatayan sa kasalanan at ang dating buhay ay nagaganap. May bagong buhay ng katuwiran ang nagaganap na ipinamumuhay para sa Dios:

Gayon din naman kayo, ibilang ninyo kayo’y tunay na mga patay na sa kasalanan, ngunit mga buhay sa Dios kay Cristo Jesus.

Huwag nang maghari ang kasalanan sa inyong katawang may kamatayan, upang kayo’y magsisunod sa kaniyang mga pita…

Sapagka’t ang kasalanan ay hindi makapaghahari sa inyo: sapagka’t wala kayo sa ilalim ng kautusan, kundi sa ilalim ng biyaya. (Roma 6:11,12,14)

Ang Kristiyanong bautismo sa tubig ay simbolo ng kamatayan at muling pagkabuhay ni Jesus. Ito ay sumasagisag ng kamatayan sa kasalanan habang ikaw ay inilulubog sa “puntod” ng tubig; at muling bumabangon sa bagong buhay na ipinamumuhay para sa Dios, habang ikaw ay lumalabas sa tubig.

Ang mananampalataya na ibinangon mula sa tubig upang mabuhay ng bagong buhay ay hindi makagagawa nito sa kanyang sariling kapangyarihan. Ang bagong buhay ay naipamumuhay sa pamamagitan ng kapangyarihan ng Dios, yon ding kapangyarihan na nagbangon Kay Jesus mula sa puntod. (Matututunan mo pa ang tungkol sa pamumuhay ng bagong buhay sa Ika-Labingisang Kabanata.). Ang epekto ng bautismo sa tubig ay naka depende sa pagsisisi at pananampalataya ng isang nabautismuhan. Kung wala ito, walang halaga ang bautismo.

Ang ibig sabihin ng tunay na Kristiyanong bautismo, tayo ay nabautismuhan sa kay Jesus mismo, hindi sa partikular na iglesya o denominasyon:

Sapagka’t ang lahat na sa inyo ay binautismuhan kay Cristo ay ibinihis kay Cristo. (Galacia 3:27)

BAUTISMO : ANG PAGHAHAMBING

Ang bautismo ni Juan at Kristiyanong bautismo ay nangyayari sa paglubog sa tubig, subalit may pagkakaiba sa pagitan ng dalawa. Nang si Pablo ay bumisita sa siyudad ng Efeso kanyang

napag-alaman na may grupo ng mga tao na disipolo ni Juan Bautista doon. Kanilang narinig ang mensahe ni Juan sa pagsisisi at nabautismuhan, subalit walang narinig na Mabuting Balita Ni Jesus Cristo.

At nangyari, na, samantalang si Apolos ay nasa Corinto, pagkatahak ni Pablo ng mga lupaing matataas ay napasa Efeso, at nakasumpong ng ilang mga alagad: at sa kanila’y sinabi niya, tinanggap baga ninyo ang Espiritu Santo nang kayo’y magsisampalataya?

At sinabi nila sa kaniya, Hindi, hindi man lamang namin narinig na may ibinigay na Espiritu Santo.

At sinabi niya, kung gayo’y sa ano kayo binautismuhan? At sinabi nila sa bautismo ni Juan.

At sinabi ni Pablo, Nagbabautismo si Juan ng bautismo ng pagsisisi, na sinasabi sa bayan na sila’y magsisampalataya sa darating sa hulihan Niya, sa makatuwid baga’y kay Jesus.

At nang kanilang marinig ito, ay nangapabautismo sila sa pangalan ng Panginoong Jesus. (Mga Gawa 19:1-5)

Matapos maipaliwanag ni Pablo ang Mabuitng Balita, tinanggap ng mga taong ito at binautismuhan na muli. Sa pagkakataon na ito sila ay nabautismuhan sa pangalan ng Panginoong Jesus. Ang halimbawang ito ay nagpapakita na ang bautismo ni Juan at ang Kristiyanong bautismo ay magkaiba. Ang bautismo ni Juan ay hindi na katanggap-tanggap matapos ang kamatayan at muling pagkabuhay ni Jesus. Ang mga tumanggap ng bautismo ni Juan ay nabautismuhan muli ng Kristiyanong bautismo.

Ang mensahe ni Juan ay naghanda ng puso ng mga tao sa Israel para sa kapahayagan ng kanilang Mesias, si Jesu Cristo. Sa pamamagitan ng bautismo kanilang hayagang inamin at pinagsisihan ang kanilang mga kasalanan, at kanilang ipinahayag ang paniniwala sa darating na Mesias.

Pagkatapos ng kamatayan at muling pagkabuhay ni Jesus, ang mga tao ay binautismuhan sa pangalan ng Ama, at ng Anak , at ng Espiritu Santo. Sa paggawa nito kanilang hayagang ipinakita ang kanilang pagtanggap sa mensahe ng Mabuting Balita, at sa katunayan na nagbago ang kanilang mga buhay. Iniutos ni Jesus ang bautismong ito.

Dahil dito magsiyaon nga kayo at gawin ninyong mga alagad ang lahat ng mga bansa, na sila’y inyong bautismuhan sa pangalan ng Ama at ng Anak at ng Espiritu Santo. (Mateo 28:19)

Ang pagkakaiba sa pagitan ng Kristiyanong bautismo at bautismo ni Juan ay ang Kristiyanong bautismo ay ginawa sa buong kapangyarihan ng Dios Ama, Anak, at ng Banal na Espiritu.

Ang bautismo ni Juan ay hindi maaring magawa katulad ng kapangayarihang ito. Ito ay bautismo lang ng pagsisisi at pagamin ng paniniwala sa darating na Mesias. Ang Kristiyanong bautismo ay pagpapahayag ng pagtanggap sa buong plano ng Dios sa katubusan.

MGA SALITANG SINABI SA BAUTISMO

Ating tinalakay ang mga kailangan bago ang bautismo at napatunayan na ito ay buong paglubog sa tubig. Isang tanong ang nanatili: Ano ang mga salita na dapat sabihin sa oras ng bautismo?

Sinabi Ni Jesus na magbautismo sa pangalan ng “Ama, at ng Anak, at ng Banal na Espiritu.” Maraming Pastor ang pumili na gumamit ng mga salitang ito sa pagbabautismo at ito ay katanggap-tanggap ayon sa Salita. Subalit katanggap-tanggap din na gamitin ang pangalan lamang ng Panginoong Jesus. Naitala sa Biblia na ito ay ginawa ng mga disipolo:

…sila’y nangabautismuhan lamang sa pangalan ng Panginoong Jesus.

(Mga Gawa 8:16)

At nang kanilang marinig ito, ay nangapabautismo sila sa pangalan ng Panginoong Jesus. (Mga Gawa 19:5)

Hindi iniutos ni Jesus sa mga disipolo na magbautismo sa mga pangalan ( pangmaramihan) ng Ama , Anak, at ng Banal na Espiritu, subalit sa “pangalan” ( pang-isahan) ng persona ng Kadiosan ng Dios.

Ang pangalan ng Ama, at ng Anak, at ng Espiritu Santo ay ang pangalan ng “ Panginoong Jesu Cristo” dahil…

Sa kaniya’y nananahan ang boong kapuspusan ng pagka Dios sa kahayagan ayon sa laman. (Colosas 2:9)

Itinuturo ng Biblia na tayo ay nabautismuhan Kay Cristo:

O hindi baga ninyo nalalaman na tayong lahat na mga nabautismuhan kay Cristo Jesus ay nangabautismuhan sa kaniyang kamatayan? (Roma 6:3)

May mga denominasyon na masyadong maraming kontobersyal sa salita na ginagamit sa oras ng pagbabautismo. Kanilang sinasabi na ang isang salita ay tama at ang iba naman ay mali. Subalit ayon sa Biblia, ang bautismo sa “ pangalan ng Panginoong Jesu Cristo “ o sa “Pangalan ng Ama, ng Anak, at ng Espiritu Santo ay parehong katanggap-tanggap na maaring sabihin sa oras ng Kristiyanong bautismo. Walang problema sa dalawang salita. Pareho itong tumutukoy sa Kadiosan ng Ama, Anak at Banal na Espiritu.

Alinsunod sa Biblia at sa pagkakaroon ng pagkakaisa sa bahaging ito, ang mga sumusunod na salita ay inirerekomenda:

“ Ayon sa iyong pagpapahayag ng iyong pananampalataya, sa pangalan ng Dios Ama, Anak, at ng Banal na Espiritu, binabautismuhan kita sa Panginoong Jesu Cristo.

PANSARILING PAGSUSULIT

1. Isulat ang susing talata mula sa memorya.

__________________________________________________________________________________________________________________________________________________

2. Bigyang kahulugan ang salitng “ bautismo”.

__________________________________________________________________________________________________________________________________________________

3. Bakit mahalaga ang Kristiyanong Bautismo?

__________________________________________________________________________________________________________________________________________________

4. Ano ang apat na katangian na dapat magkaroon ang mga nagnanais ng Kristiyanong Bautismo?

_________________________________ ___________________________________

5. Ano ang apat na klase ng bautismo na nabanggit sa Bagong Tipan?

_________________________________ ___________________________________

6. Sa Bagong Tipan, gaano kadali na bautismuhan ang mga nagsisi, naniwala na makasalanan?

__________________________________________________________________________________________________________________________________________________

7. Ibigay ang reperensya sa Biblia na nagpapatunay na mayroong pagkakaiba ang bautismo ni Juan at ang Kristiyanong bautismo.

________________________________________________________________________

8. Dapat bang bautismuhan sa tubig ang mga sanggol?

________________________________________________________________________

9. Anong edad maaring hayaan ang bata na bautismuhan sa tubig?

________________________________________________________________________

10. Kung ang pangungusap ay TOTOO, isulat ang T sa puwang. Kung ang pangungusap ay MALI isulat ang letrang M sa puwang.

a. _______ Kung ikaw ay nabautismuhan lang sa pangalan ng Panginoong Jesu Cristo dapat kang bautismuhang muli sa pangalan ng Ama, Anak , at ng Banal na Espiritu.

b. _______ Ang Biblikal na salitang “bautismo” ay nangangahulugan ng paglubog sa halip na pagwisik ng tubig.

c. ______ Dapat mong maunawaan ang kahulugang ng bautismo bago ka mabautismuhan.

(Ang sagot sa mga pagsusulit ay nakasulat sa pangwakas ng huling kabanata ng manwal na ito.)

PARA SA DAGDAG NA PAG-AARAL

Ang kabanatang ito ay nagumpisa sa paksa ng doktrina na bautismo. Upang mapalawak ang iyong kaalaman sa paksang ito pag-aralan ang mga sumusunod na Kasulatan tungkol sa bautismo.

Mateo 3:6,7,11-16; 11:11-12; 14:2; 16:4; 20:22-23; 21:25

Marcos 1:4,5,8,9; 10:38-39; 11:30; 16:16

Lucas 3:3,7,12,16,21; 7:29-30; 12:50; 20:4

Juan 1:25-28,33; 3:22-26; 4:1-2; 10:40

Mga Gawa 1:5,22; 2:38,41; 8:12,13,16,36,38; 9:18; 10:37,47-48; 11:16; 13:24; 18:8,25; 19:3,4,5; 22:16

Roma 6:3-4

I Corinto 1:13-16; 10:2; 12:13; 15:29

Galacia 3:27

Efeso 4:5

Colosas 2:12

I Pedro 3:21

Hebreo 6:2

IKA-ANIM NA KABANATA

DOKTRINA NG MGA BAUTISMO: II BAHAGI

MGA LAYUNIN:

Pagkatapos pag-aralan ang kabanatang ito ikaw ay may kakayahang:

· Isulat ang Susing Talata mula sa memorya.

· Ipaliwanag ang ilan sa mga hangarin ng Banal na Espiritu.

· Ipaliwanag kung paano matatanggap ang bautismo ng Banal na Espiritu

· Masabi kung ano ang panglabas na palatandaan ng bautismo ng Banal na Espiritu

· Kilalanin ang tunay na ebidensya ng bautismo ng Bnaal na Espiritu.

· Alamin ang mga kaloob at bunga ng Banal na Espiritu.

SUSING TALATA:

Datapuwa’t tatanggapin ninyo ang kapangyarihan, pagdating sa inyo ng Espiritu Santo: at kayo’y magiging mga saksi ko sa Jerusalem, at sa boong Judea at Samaria, at hanggang sa kahulihulihang hangganan ng lupa.

(Mga Gawa 1:8)

PAMBUNGAD

Natutunan mo sa huling kabanata ang kahulugan ng salitang “bautismo” at napag-aralan ang tatlo sa apat na bautismo na nabanggit sa Bagong Tipan. Natutunan mo ang tungkol sa bautismo ng pagdurusa na naranasan ni Jesus, ang bautismo ni Juan Bautista, at ang Kristiyanong Bautismo sa tubig. Ang kabanatang ito ay nakatuon sa pang-apat na bautismo na bautismo ng Banal na Espiritu.*

PANGAKO NG BANAL NA ESPIRITU

Pagkatapos ng muling pagkabuhay at bago sa Kanyang pagbalik sa Langit, nagbilin si Jesus sa Kanyang mga tagasunod:

At narito, ipapadala ko sa inyo ang pangako ng aking Ama, datapuwa’t magsipanatili kayo sa bayan, hanggang sa kayo’y masangkapan ng kapangyarihan galing sa itaas. (Lucas 24:49)

* Ang kabanatang ito ay nagsisilbing panimula lamang ng doktrina ng Banal na Espiritu. Para sa detalyeng pag-aaral ng Banal na Espiritu, Harvestime Institute ay nag-aalok ng hiwalay na kurso “ Ang Ministeryo ng Banal na Espiritu.”

Ang pangako na tinutukoy ni Jesus ay ang Banal na Espiritu. Nasabi na ito ni Jesus noon pa sa kanyang mga tagasunod:

At ako’y dadalangin sa Ama, at kayo’y bibigyan niya ng ibang Mangaaliw, upang siyang sumainyo magpakailanman,

Sa makatuwid baga’y ang Espiritu ng katotohanan: na hindi matatanggap ng sanglibutan; sapagka’t hindi nito Siya nakikita, ni nakikilala man Siya: Siya’y nakikilala ninyo; sapagka’t Siya’y tumatahan, sa inyo at sasa inyo,

Hindi ko kayo iiwang magisa: ako’y paririto sa inyo. (Juan 14:16-18)

HANGARIN NG BANAL NA ESPIRITU

Ang isa sa mga pangunahing hangarin ng Banal na Espiritu ay nabanggit sa mga talatang nakasulat sa itaas: Para aliwin ang mga mananampalataya. Subalit marami pang hangarin ng Banal na Espiritu sa buhay ng mananampalataya ang nabanggit sa Biblia. Ang Banal na Espiritu ay:

- Magpuspos at bautismuhan sila: Mga Gawa 2:4

- Manahan sa kanila: I Corinto 6:9

- Pagisahin sa iisang espiritu sa Dios at ibang mananampalataya: I Corinto 6:17

- Manalangin para sa kanila: Roma 8:26

- Papatnubayan sila: Juan 16:13

- Ipakita ang pag-ibig Ni Cristo sa kanila sa pamamgitan Niya: Roma 5:5

- Nagbabago sa kanila upang maging katulad ni Cristo: II Corinto 3:18

- Nagsisiwalat ng katotohanan mula sa Biblia : I Corinto 2:10

- Nagtuturo sa kanila: Juan 14:26

- Nagbibigay sigla sa kanila upang tunay na sumamba: Juan 4:24

- Nagpapalakas sa kanila: Efeso 3:16

- Nagbibigay buhay sa kanila: Roma 8:11

- Nagpapabanal sa kanila: II Tesalonica 2:13-14

- Nagbabago sa kanila:Tito 3:5

- Naghahatol sa mga maling ginagawa nila : Juan 16:8-11

- Nagbibigay katiyakan sa kaligtasan: Roma 8:16

- Nagpapalaya sa kanila: Roma 8:2

- Nagsasalita sa pamamagitan nila: Marco 13:11

- Nagpapakita ng kapangyarihan ng Dios: I Corinto 2:4

- Nagbibigay ng kapangyarihang mag-ebanghelyo: Mga Gawa 1:8

ANG EBIDENSIYA NG BANAL NA ESPIRITU

Maraming hangarin ang Banal na Espiritu sa buhay ng mananampalataya., subalit ang pinaka mahalaga at tunay na ebidensiya ng bautismo ng Banal na Espiritu ay para gawin ang mananampalataya na makapangyarihang saksi ng Ebanghelyo:

Datapuwa’t tatanggapin ninyo ang kapangyarihan, pagdating sa inyo ng Espiritu Santo: at kayo’y magiging mga saksi ko…sa kahulihulihang hangganan ng lupa. (Mga Gawa 1:8)

Ang ebidensiya ng bautismo ng Banal na Espiritu ay nakita kaagad sa buhay ni Apostol Pedro. Bago ang Araw ng Pentecostes may takot siya na itinatuwa niya na kilala niya si Jesus. Matapos siyang mabautismuhan ng Banal na Espiritu, si Pedro ay tumindig at nagbigay ng makapangyarihang saksi sa Ebanghelyo na naging resulta ang kaligtasan ng tatlong libong mga tao. Ang kapangyarihan ng Banal na Espiritu sa unang iglesya ang siyang naging resulta ng pagkalat ng ebanghelyo sa buong mundo. Sa aklat ng Mga Gawa naisulat ang makapangyarihang saksi na siyang naging ebidensiya ng Banal na Espiritu

BAUTISMO NG BANAL NA ESPIRITU

May pitong talata sa Bagong Tipan na kung saan ang salitang “bautismo” ay ginamit na may kaugnayan sa Banal na Espiritu.

Sa katotohanan ay binabautismuhan ko kayo sa tubig sa pagsisisi: datapuwa’t ang dumarating sa hulihan ko ay lalong makapangyarihan kay sa akin, na hindi ako karapatdapat magdala ng kaniyang pangyapak: Siya ang sa inyo’y magbabautismo sa Espiritu Santo at apoy. (Mateo 3:11)

Binabautismuhan ko kayo sa tubig; datapuwat’t kayo’y babautismuhan Niya sa Espiritu Santo. (Marcos 1:8)

Ay sumagot si Juan na sinasabi sa kanilang lahat, Katotohanang binabautismuhan ko kayo ng tubig; datapuwa’t dumarating ang lalong makapangyarihan kay sa akin; ako’y hindi karapatdapat magkalag ng panali ng kaniyang mga pangyapak: kayo’y babautismuhan niya sa Espiritu Santo at sa apoy: (Lucas 3:16)

At Siya’y hindi ko nakilala; datapuwa’t ang nagsugo sa akin upang bumautismo sa tubig, ay siyang nagsabi sa akin, Ang makita mong babaan ng Espiritu, at manahan sa Kaniya, ay siya nga ang bumabautismo sa Espiritu Santo. (Juan 1:33)

Nagbanggit din Si Jesus ng Bautismo ng Banal na Espritu:

Sapagka’t tunay na si Juan ay nagbautismo ng tubig; datapuwa’t kayo’y babautismuhan sa Espiritu Santo na di na malalaunan pa.(Mga Gawa 1:5)

Nang si Pedro ay nagsalita sa mga pangyayari sa tahanan ni Cornelius, ginamit niya ang salita ni Jesus

At naalaala ko ang salita ng Panginoon, kung paanong sinabi niya, Tunay na si Juan ay nagbautismo ng tubig; datapuwa’t kayo’y babautismuhan sa Espiritu Santo. (Mga Gawa 11:16)

Ginamit din ni Pablo ang salitang “bautismo” kaugnay ng Banal na Espiritu.

Sapagka’t sa isang Espiritu ay binabautismuhan tayong lahat sa isang katawan, maging tayo’y Judio o Griego, maging mga alipin o mga laya; at tayong lahat ay pinainom sa isang Espiritu. (I Corinto 12:13)

Ang paggamit ng salitang “ bautismuhan sa “ Banal na Espiritu ay katulad sa paggamit ng inilarawan ng Kristiyanong bautismo sa tubig. Sa parehong pagkakataon ang bautismo ay panglabas na katunayan sa pangloob na espirituwal na kondisyon.

Ang Banal na Espiritu ay pumarito mula sa langit sa mga disipolo sa araw ng Pentecostes at buong inilubog (o bautismuhan) sa Banal na Espiritu. Sinabi ni Pedro na ang karanasan na ito ang siyang katuparan ng pangako ng Dios: “ At mangyayari pagkatapos… na ibubuhos ko ang aking Espiritu sa lahat ng laman.” Ang pangakong ito ay ibinigay sa Joel 2:28

ANG PISIKAL NA PALATANDAAN

Ang Banal na Espiritu ay hindi nakikita sa natural na mata. Siya ay ikinumpara ni Jesus sa hangin:

Humihip ang hangin kung saan niya ibig, at naririnig mo ang kaniyang ugong, ngunit hindi mo nalalaman kung saan nanggagaling, at kung saan naparoroon: gayon ang bawa’t ipinanganak ng Espiritu. (Juan 3:8)

Kahit ang hangin ay hindi nakikita, ang epekto na idinudulot nito ay nakikita at naririnig. Kapag ang hangin ay umihip ang alikabok ay lilipad mula sa lupa, ang mga puno ay bumabaling sa isang direksiyon, ang mga dahon ay kumakaluskos, ang alon ng dagat ay umuugong, ang alapaap ay kumikilos sa kabila ng langit. Ang lahat ng ito ay pisikal na palatandaan ng hangin. Katulad ng Banal na Espiritu. Kahit Siya ay hindi nakikita, ang epekto na idinudulot ng Banal na Espiritu ay makikita at naririnig.

May tatlong lugar sa Bagong Tipan na sinabi sa atin kung ano ang nangyari sa taong nabautismuhan ng Banal na Espiritu:

ARAW NG PENTECOSTES:

Sa mga Gawa 2: 2-4 nakatala kung ano ang nangyari sa araw ng Pentecostes:

At biglang dumating mula sa langit ang isang ugong na gaya ng isang humahagibis na hanging malakas, at pinuno ang boong bahay na kanilang kinauupuan.

At sa kanila’y may napakitang mga dilang kawangis ng apoy, na nagkabahabahagi; at dumapo sa bawa’t isa sa kanila.

At silang lahat ay nangapuspos ng Espiritu Santo, at nangagpasimulang magsalita ng iba’t ibang mga wika, ayon sa ipinagkaloob ng Espiritu na kanilang salitain. (Mga Gawa 2:2-4)

TAHANAN NI CORNELIO:

Sa Mga Gawa 10:44-46 natala ang nangyari nang si Pedro ay nagpahayag ng Ebanghelyo kay Cornelio at sa kanyang sambahayan:

Samantalang nagsasalita pa si Pedro ng mga salitang ito, ay bumaba ang Espiritu Santo sa lahat ng nangakikinig ng salita.

At silang sa pagtutuli na nagsisampalataya ay nangamanghang lahat sa nagsiparoong kasama ni Pedro, sapagka’t ibinuhos din naman sa mga Gentil ang kaloob na Espiritu Santo.

Sapagka’t nangarinig nilang nangagsasalita ito ng mga wika, at nangagpupuri sa Dios… (Mga Gawa 10:44-46)

MGA KOMBERTIDO SA EFESO:

Sa Mga Gawa 19:6 inilarawan ang nangyari sa mga unang hikayat sa Efeso:

At nang maipatong na ni Pablo sa kanila ang kaniyang mga kamay, ay bumaba sa kanila ang Espiritu Santo; at sila’y nagsipagsalita ng mga wika, at nagsipanghula. (Mga Gawa 19:6)

Kung ating pagkukumparahin ang mga talatang ito mayroong isang pisikal na palatadandaan na siyang makikita sa tatlong pangyayari: Ang mga nakatanggap ng bautismo ng Banal na Espiritu ay nagsalita ng ibang wika. May ibang “supernatural” na palatandaan ng Banal na Espiritu na nabanggit, subalit hindi nanggyari sa lahat ng pagkakataon.

Sa araw ng Pentecostes mayroong tinig ng dumadagundong na hangin at nakikita na dila ng apoy. Ito ay hindi natala sa ibang pagkakataon.

Sa Efeso ang mga bagong kombertido ay nag propesiya. Subalit hindi ito nabanggit bilang nangyari sa araw ng Pentecostes o sa tahanan ni Cornelio.

Ang isang panglabas na palatandaan na obserbahan ng mga apostoles sa karanasan sa tahanan ni Cornelio at ng kanyang sambahayan ay nagsalita sila ng ibang wika. Ang pisikal na palatandaan na ito ay katunayan sa mga disipolo na sila ay nabautismuhan ng Banal na Espiritu.

Mula sa mga natalang ito sa Biblia ating ipinalagay na ang palatandaan ng pagsasalita ng ibang wika sa pamamagitan ng kapangyarihan ng Banal na Espritu ay nagpapatotoo na ang tao ay na bautismuhan ng Banal na Espiritu.

ANG WIKA

Ang palatandaan ng “wika” ay maaring salita na alam ng tao. Ito ang nangyari sa araw ng Pentecostes:

At silang lahat ay nangagtaka at nagsipanggilalas, na nangagsasabi Narito, hindi baga mga Galileong lahat ang mga nagsisipagsalitang ito?

At bakit nga naririnig ng bawa’t isa sa atin, ang ating sariling wikang kinalimulatan? (Mga Gawa 2:7-8)

Ang wika ay maari din na salita na hindi alam ng tao. Ito ang tinatawag na hindi alam na wika:

Sapagka’t ang nagsasalita ng wika ay hindi sa mga tao nagsasalita, kundi sa Dios; sapagka’t walang nakauunawa sa kaniya; kundi sa espiritu ay nagsasalita ng mga hiwaga. (I Corinto 14:2)

MGA HANGARIN NG WIKA

Ang “ibang wika” ay natatanggap sa pamamagitan ng bautismo ng Banal na Espiritu ay maraming hangarin sa buhay ng mananampalataya. Sa I Corinto kabanata 14 kinilala ang ilang mga hangarin ng kapahayagan ng wika:

- Manalangin sa Dios : talata 2

- Nagpapatibay sa sarili: upang magtatag ang paglagong espirituwal: talata 4

- Kapag ito ay binigyang kahulugan ang iglesya ay napapatibay: talata 12

- Tagapamagitan : talata 14 (tingnan din Roma 8:26-27)

- Palatandaan sa mananampalataya: talata 22

- Katuparan ng propesiya: talata 21 (tingnan din Isaiah 28:11-12)

- Pagpupuri : talata 15,17

PAGTUTOL

Ang ibang tao ay tumututol sa palatandaan ng pagsasalita ng ibang wika. Mayroong mga ilang pagtutol ang kanilang sinasabi:

NASA BAWAT KRISTIYANO ANG BANAL NA ESPIRITU:

Ang isa sa madalas na pagtutol ay ang bawat Kristiyano ay tumanggap ng Banal na Espiritu nang siya ay makomberti at hindi na kinakailangan ng iba pang karanasan ng bautismo ng Banal na Espiritu.

Subalit alalahanin natin ang halimbawa ng mga tao sa Bagong Tipan na siyang tunay na mananampalataya.

Ang mga apostol ay nagsisi sa kanilang mga kasalanan at sumampalataya na si Jesus ang Mesias. Kanilang personal na nasaksihan at tumanggap bilang tunay ang katotohanan ng pagkamatay, paglilibing, at muling pagkabuhay. Sinabi ni Jesus sa Kaniyang mga tagasunod:

At narito, ipapadala ko sa inyo ang pangako ng aking Ama, datapuwa’t magsipanatili kayo sa bayan, hanggang sa kayo’ masangkapan ng kapangyarihan galing sa itaas. (Lucas 24:49)

Kaniya ring sinabi:

Sapagka’t tunay na si Juan ay nagbautismo ng tubig; datapuwa’t kayo’y babautismuhan sa Espiritu Santo na di na malalaunan pa. (Mga Gawa 1:5)

Ang ipinangakong karanasan ng mabautismuhan ng Banal na Epsiritu ay dumating sa araw ng Pentecostes:

At silang lahat ay nangapuspos ng Espiritu Santo, at nangagpasimulang magsalita ng iba’t ibang wika, ayon sa ipinagkakaloob ng Espiritu na kanilang salitain. (Mga Gawa 2:4)

Kahit nga ang mga apostol ay tunay na mananampalataya na, hindi sila napuspos ( bautismuhan ng) Banal na Espiritu kundi nang Araw ng Pentecostes. Ang mga tao sa Samaria ay nakarinig ng mensahe ng Ebanghelyo. Sila ay sumampalataya at nabautismuhan. Subalit hindi pa nila natanggap ang Banal na Espiritu:

Nang mabalitaan nga ng mga apostol na nangasa Jerusalem na tinanggap ng Samaria ang salita ng Dios, ay sinugo nila sa kanila si Pedro at si Juan:

Na nang sila’y makalusong, ay ipinanalangin nila sila, upang kanilang tanggapin ang Espiritu Santo.

Sapagka’t ito’y hindi pa bumababa sa kanino man sa kanila: kundi sila’y nangabautismuhan lamang sa pangalan ng Panginoong Jesus.

Nang magkagayo’y ipinatong sa kanila ang kanilang mga kamay, at kanilang tinanggap ang Espiritu Santo. (Mga Gawa 8:14-17)

Ang mga taga Samaria ay tumanggap ng kaligtasan sa ministeryo ni Felipe. Kanilang natanggap ang Banal na Espiritu sa ministeryo nina Pedro at Juan. Ang pagtanggap ng Banal na Espiritru ay hiwalay sa karanasan ng pagtanggap ng kaligtasan.

Sa Mga Gawa 19:1-6 inilarawan ni Pablo nang siya ay pumunta sa Efeso at nakatagpo ang mga tao, bilang “disipolo”. Ang unang itinanong ni Pablo ay, “ Tinanggap baga ninyo ang Espiritu Santo nang kayo‘y magsisampalataya? Kung ang mga tao ay tumanggap ng bautismo ng Espiritu Santo nang sila ay tumanggap ng kaligtasan, kalukohan na itanong ni Pablo ang ganitong tanong. Sa katunayan na siya ay nagtanong naging maliwanag na ang mga tao ay naging mananampalataya ni Cristo subalit hindi nakatanggap ng bautismo ng Espiritu Santo. Kahit ang tao ay tumanggap ng bautismo ng Espiritu Santo sa parehong panahon siya ay kombertido, ito ay ibang karanasan sa kaligtasan.

Ang ministeryo ng Espiritu Santo ay umiiral ng magpakailanman. Ang Lumang Tipan ay nagsasabi ng ang Espiritu Santo ay dumating sa espirituwal na tagapanguna ng Israel. Ang Espiritu Santo ay umiiral din sa buhay ng makasalanan upang dalhin sila kay Cristo.

Subalit ito ay kakaiba sa kapuspusan ng Espiritu Santo. Nilinaw ito Ni Jesus nang sinabi Niya:

Sa makatuwid baga’y ang Espiritu ng katotohanan: na hindi matatanggap ng sanlibutan; sapagka’t hindi nito Siya nakikita, ni nakikilala man Siya: Siya’y nakikilala ninyo; sapagka’t Siya’y tumatahan sa inyo at sasa inyo.

(Juan 14:17)

Ang Espiritu Santo ay kasama ng mga disipolo ng panahon na iyon, subalilt hindi sa kanila. Sila ay napuspos (bautismuhan) ng Espiritu Santo sa Araw ng Pentecostes. Ang Espiritu Santo ay KASAMA ng mga makasalanan upang ilapit sila kay Jesu Cristo. Subalit hindi ito katulad ng NASA mananampalataya.

Ang Espiritu Santo ay kasama ng espirituwal na tagapanguna noong panahon ng Lumang Tipan. Subalit hindi Siya sumasakanila. Ito ang pagkakaiba ng Luma at Bagong Tipan ng ministeryo ng Espiritu Santo.

ANG LAHAT BA AY NAGSASALITA NG IBANG WIKA?

Ang isa pang pagtutol sa pagsasalita ng ibang wika ay nanggaling sa hindi pagkakaunawaan ng tanong ni apostol Pablo sa I Corionto 12:30. Kanyang itinanong “ …nangagsasalita baga ang lahat ng mga wika?” Ang tugon sa tanong na ito ay “Hindi, lahat ay nagsasalita ng ibang wika.”

Subalit hindi sinasabi ni Pablo dito ang karanasan ng bautismo ng Espiritu Santo. Ang talakayan ay patungkol sa kaloob ng Espiritu Santo na maaring magamit ng mananampalataya sa iglesya:

Kayo nga ang katawan ni Cristo, at bawat isa’y samasamang mga sangkap Niya.

At ang Dios ay naglagay ng ilan sa iglesia, una’y mga apostol, ikalawa’y mga propeta, ikatlo’y mga guro, saka mga himala, saka mga kaloob na pagpapagaling, mga pagtulong, mga pamamahala, at iba’t ibang mga wika.

(I Corinto 12:27-28)

Tinutukoy ni Pablo dito ang mga kaloob na maaring magamit ng mananampalataya sa iglesya. Ang isa sa mga kaloob ng Espiritu Santo ay “ pagkakaiba ng wika.” Ito ay kakayahan na magpahayag ng mensahe sa Iglesya sa pamamagitan ng wika sa ilalim ng kapangyarihan ng Espiritu Santo. Kahit ang bawat isa ay nakaranas ng palatandaan ng ibang wika ng nabautismuhan ng Espiritu Santo, hindi lahat ay nakatanggap ng natatanging kaloob ng pagkakaiba-iba ng mga wika.

TAKOT:

Ang ibang mananampalataya ay hindi naghahangad ng bautismo ng Espiritu Santo dahil sila ay natatakot na makatanggap ng karanasan na hindi galing sa Dios. Subalit sinasabi ng Biblia:

Magsihingi kayo, at kayo’y bibigyan; magsihanap kayo, at kayo’y mangakasusumpong; magsituktok kayo at kayo’y bubuksan:

Sapagka’t ang bawat humihingi ay tumatanggap; at ang humahanap ay nakasusumpong; at ang tumutuktok ay binubuksan.

O anong tao sa inyo, ang kung siya’y hingan ng tinapay ng kaniyang anak, ay bato ang ibibigay;

O kung hingan siya ng isda, ay bibigyan niya ng ahas?

Kung kayo nga, bagaman masasama ay marurunong mangagbigay ng mabubuting kaloob sa inyong mga anak, gaano pa kaya ang inyong Ama na nasa langit na magbibigay ng mabubuting bagay na nagsisihingi sa kaniya? (Mateo 7:7-11)

Kung ang mananampalataya ay nagnanais ng kaloob, katulad ng mabuting ama sa lupa, hindi hahayaan ng Dios na makatanggap ng kahit ano na makasasakit sa kanya.

EMOSYONAL NA KARANASAN:

Ang isa pang pagtutol sa pagsasalita ng ibang wika, ito ay emosyonal na karanasan. Marami sa mga nakatanggap ng bautismo ng Espritu Santo ay binibigyang halaga ang kanilang emosyonal na karanasan. Ang tao ay isang emosyonal na nilalang. Ang pagkahikayat ay hindi nagaalis ng emosyon ng tao. Siya ay makakaranas ng kasiyahan at kalungkutan.

Ang pagbabalik loob sa Dios ay nagpapalaya sa emosyon ng tao mula sa kapangyarihan ng kasalanan. Ito ay nagbabaling ng emosyon na sumamba sa Dios. Ang salitang “ katuwaan” sa Biblia ay malapit na iniuugnay sa Espiritu Santo. Sa Mga Gawa 13: 52 ating mababasa “ At ang mga alagad ay nangapuspos ng kagalakan at ng Espiritu Santo.”

Matinding emosyon ang epekto ng kagalakan sa ibang tao na nakaranas ng bautismo ng Espiritu Santo dahil sila ay natural na mas emosyon kaysa sa iba. Maari silang sumigaw, tumawa o makaranas ng ibang pakiramdam sa kanilang pisikal na katawan. Subalit ang mga emosyonal na epekto ay hindi palatandaan ng bautismo ng Espritu Santo. Ang magpapatunay na palatandaan ay pagsasalita ng ibang wika.

Hindi kinakailangan na magpakita ng matinding emosyon katulad ng pagtawa, pagsigaw, pagsayaw, at iba pa, para mabautismuhan ng Espiritu Santo. Kung paano emosyonal na umepekto sa bawat isa ang kagalakan na dulot ng karanasan na ito ay may kaugnayan sa kanyang natural na emosyon.

Subalit hindi tayo dapat magpuna sa may emosyonal na kagalakan na epekto ng Espiritu Santo. Sinasabi ng Biblia na ang mayroong emosyonal na reaksiyon ay mga nakaranas ng makapangyarihang karanasan sa Dios. Ang mga tao ay nanginginig, nagpapatirapa sa lupa, sumisigaw, natutuwa at sumasayaw sa harapan ng Dios.